هاشتاج رحمة أحمد يتصدر تويتر بعد نجاح "مربوحة" في مسلسل الكبير
تصدر هاشتاج #رحمة_أحمد، موقع التدوينات القصيرة تويتر، بعد الأداء القوي للممثلة الشابة بطلة مسلسل الكبير أوي مع الفنان أحمد مكي.
وتفاعل عدد كبير من رواد مواقع التواصل الاجتماعي مع الهاشتاج، مشيدين بأداء الفنانة رحمة أحمد في دور "مربوحة" خلال مشاركتها في مسلسل الكبير أوي.
وقال أحد رواد تويتر: "نهر الكوميديا المحترمة في مصر لم ينضب.. رحمة أحمد زوجة الكبير أوي، فنانة شابة أشعلت طاقة نور في عتمة زمن كوميديا الإفيهات والإيحاءات البايخة.. أخيرًا سمعنا كوميديا نظيفة".
وعلق آخر: "مسلسل الكبير محظوظ بكل من مثل فيه.. راحت هدية وجت مربوحة والمسلسل أساسًا رائع".
وأضافت مغردة: "يجب أن يعترف الجميع أن #رحمة_أحمد موهبة قدمها لنا مشكورًا الموهوب أحمد أمين".
وعلقت الممثلة الشابة رحمة أحمد بطلة مسلسل الكبير أوي مع الفنان أحمد مكي، على ردود الفعل بعد عرض الحلقة الخامسة من المسلسل، وذلك عبر تدوينة طويلة كتبتها بحسابها الشخصي بموقع التواصل الاجتماعي "فيس بوك".
مسلسل الكبير أوي
وقالت رحمة: "أنا مش عارفة أعبر عن إحساسي بالامتنان.. الحمد لله والشكر لله أي حاجة حلوة حصلت أو اتقالت لي دا كرم كبير أوي من ربنا يمكن أكبر من اللي أستحقه.. عاوزة أقول ٣ نقط، الأولى وهفضل أقول البوقين دول كل ما حد يشاور النقطة دي أن فنانة زي دنيا سمير غانم لا تقارن بحد.. أنا مش حد خالص.. أنا من فانز دنيا سمير غانم.. لأن لو اتحطينا في مقارنة من المؤكد أني أنا اللي هبقى خسرانة".
وأضافت: "النقطة الثانية.. بعد توفيق ربنا إن فنان زي أحمد مكي يدي مساحة لحد يقول حاجة ما بتحصلش من أي فنان موجود عالساحة، الراجل دا عنده اللي يكفيه وزيادة أنه يسيب فنان قدامه يقول وهو سايب إيده، مهما اتكلمت عنه مش هوفيه حقه فنيًّا ولا إنسانيًّا، والمبدع أحمد الجندي ما يتخيرش عنه، يسيبك تقول، ويعليك ويركب لك شغل وذكي يعرف يطلع ضحك من أي شخصية ويحطها في مكانها الصح".
دعم أحمد أمين
وأكملت: "الثالثة.. ليك أنت يا حبيب قلبي، أخويا الكبير الداعم المستمر بكل الطرق، صادق في فرحته، أنا مهما حكيت عاللي عملته معايا عشان أوصل أني أبقى في عمل من أهم الأعمال في رمضان مش هكفي فيك كلام، شكرًا أحمد أمين الأخ والفنان والإنسان أنك دايمًا جنبي، أحمد أمين.. أحمد مكي.. أحمد الجندي.. انتو مكسب لأي فنان ولأي شخص وبشكر ربنا دايمًا أن ربنا كتبلي أني أعرفكو".
وأنهت حديثها قائلة: "وشكرًا لأي حد دعمني حتى لو بكلمة كويسة وبالأخص صلاح الدالي.. فنان هياخد حقه كويس جدًّا ويستاهل أكتر بحبك يا صلوحة.. شكرًا لأي حد وقف جنبي واللي اداني ضهره وربنا لأوريك".
