مرتضى منصور يوجه رسالة لـ محمود الخطيب
وجه المستشار مرتضى منصور رئيس نادي الزمالك، رسالة قوية للكابتن محمود الخطيب رئيس النادي الأهلي.
رسالة مرتضى منصور للخطيب
وقال مرتضى منصور خلال مداخلة هاتفية ببرنامج “حضرة المواطن” الذي يقدمه الكاتب الصحفي سيد علي بقناة “الحدث اليوم”: "محمود الخطيب رئيس النادي الأهلي ليس من حقه أن يخرج بيانات يهاجمني فيها وهذا يسيء لجماهير الأهلي العظيمة".
محامي محمود الخطيب
وتابع: "أقول لمحمود الخطيب بياناتك التي تهاجمني فيها تسيء لجماهير الأهلي والزمالك، لديك محامي يمكنه أي يدافع عنك في المحكمة كما يشاء بعيدًا عن إشعال الفتنة الرياضية".
من جانبه قال الإعلامي عمرو أديب: "ما عنديش مشكلة في براءة مرتضى منصور من تهمة سب الخطيب، ولكن فجأة طلع بيان من النادي الأهلي أنه لم تصدر اليوم أي أحكام قضائية في الدعاوى التي رفعها الخطيب ضد رئيس نادي الزمالك".
مستشار النادي الأهلي
وأضاف عمرو أديب خلال برنامج "الحكاية" المذاع على قناة "إم بي سي مصر": "لو الحكم مش موجود فتلك مصيبة، أو الحكم موجود والمستشار القانوني للنادي الأهلي ميعرفش فالمصيبة أعظم".
براءة مرتضى منصور
وعلق عمرو أديب: "شيء غريب جدًّا، اللي بيحصل دا يخلي الواحد مش فاهم حاجة خالص، هو مرتضى منصور خد براءة ولا غرامة ولا مفيش حاجة خالص، ولو طلع في النهاية مفيش حاجة خالص تبقى حدوتة غريبة جدًّا".
مناشدة عمرو أديب
وتابع: "هل خبر براءة مرتضى منصور حصل ولا إيه اللي حصل، ويجب على متحدث وزارة العدل أو متحدث باسم المحكمة يقول لنا إذا كان فيه حكم ولا مفيش، ولكن شيء غريب اللي احنا فيه دلوقتِ".
موقف النادي الأهلي
وأكمل: "ابتديت أشك لأن مرتضى منصور في الحالات اللي زي دي لما ياخد براءة بيحتفل، ولكن مين اللي طلع الخبر دا وهو صح ولا غلط، وهل المواقع الساعة اللي جاية هتنشر نفي بعدم البراءة، وسألت إيه القصة محدش عارف حاجة، وأنا مش واقف عند الحكم ودي مسائل بتاعت القانون ومش ليَّ رأي ولكن اللي بيحصل ليه؟ وهناك علامة تعجب كبيرة بطول برج الجزيرة، ولو الحكم صح يبقى الأهلي والكابتن الخطيب يمشي المستشار القانوني لجهله بالحكم".
مصادر قانونية بالأهلي
ونفت مصادر قانونية في النادي الأهلي براءة مرتضى منصور رئيس نادي الزمالك في قضية سب وقذف محمود الخطيب.
قضية سب وقذف الخطيب
وأكد المصدر، عدم صحة الأنباء التي ترددت حول حصول أحد الأشخاص على البراءة في قضية سب وقذف الخطيب.
المحكمة الاقتصادية
وأوضح المصدر أن المحكمة الاقتصادية في القاهرة لم تنظر اليوم الأحد، أي من الدعاوى القضائية المقامة من النادي الأهلي ضد المتجاوزين في حقه أو في حق رئيسه الكابتن محمود الخطيب.
