مرتضى منصور: هنشر فيديوهات سيدة الشعر الأحمر بعد مباراة السنغال.. وبطلة الواقعة ترد
قال المستشار مرتضى منصور رئيس نادي الزمالك: "لا أفكر في الترشح لمنصب نقيب المحامين حاليًّا بعد رحيل رجائي عطية وهذا التوقيت غير مناسب للتحدث في هذا الأمر".
رجائي عطية
ولفت خلال مداخلة هاتفية ببرنامج “حضرة المواطن” الذي يقدمه الكاتب الصحفي سيد علي بقناة “الحدث اليوم”: "رجائي عطية ربنا أكرمه أحسن تكريم وأحسن ختامه بأن يتوفى في المرافعة عن زملاء مهنته، ونحتسبه شهيدًا".
قصة سيدة الشعر الأحمر
وبشأن السيدة التي تقدمت بشكوى ضده لطردها من الزمالك بسبب شعر الرأس الأحمر، علق مرتضى منصور: "شهرت بي بأكاذيب لم تحدث، ولن يحدث أن أستقبل هذه السيدة، وكل اللي قالته ما حصلش وروجت أكاذيب، ولا أساس له من الصحة".
عضوية سيدة الشعر الأحمر
وأكد: "لم أوقف عضوية سيدة الشعر الأحمر، وفيه فيديوهات لدينا وهي بتتفسح جوا النادي، ولحد الآن ما منعتهاش من دخول النادي، هي قصة وهمية ومصر كلها تعرف دوافعها الحقيقية، ولن أتركها قانونًا بعد لما شهرت بيَّ وهنزل فيديوهاتها بعد ماتش مصر والسنغال وهي بتتفسح جوا نادي الزمالك،
أمامها أمران هي مطلوبة للتحقيق بنادي الزمالك وتروح تجاوب وتقول وجهة نظرها وتتفرج على فيديوهاتها المسيئة لها، وما ادعته غير صحيح، والبينة على من ادعى".
حقيقة منع غير المحجبات
وأوضح: "ليس صحيحًا منعي السيدات غير المحجبات من دخول نادي الزمالك، وهي عارفة أنا منعتها ليه، وابن أختي شقيقتي أخطأ أوقفته وبعدين شطبته".
رد صاحبة الشعر الأحمر
من جانبها ردت مها محسن صاحبة واقعة الشعر الأحمر بنادي الزمالك، موضحة: "تم سحب كارنيه عضوية النادي مني خلال دخولي وتم منعي من مدير النادي، والمستشار مرتضى منصور رفض دخولي لسبب غير مبرر".
وتابعت: “طلعت لمرتضى منصور مكتبه وقلت له أنا عايزة الكارنيه، فقال لي أنا بلغت جوزك إن شعرك لازم يتغير، والناس كلها عارفة أخلاقي كويس، وعندنا استعداد الموضوع يتحل بشكل ودي”.
من جانب آخر، قال الإعلامي عمرو أديب: "ما عنديش مشكلة في براءة مرتضى منصور من تهمة سب الخطيب، ولكن فجأة طلع بيان من النادي الأهلي أنه لم تصدر اليوم أي أحكام قضائية في الدعاوى التي رفعها الخطيب ضد رئيس نادي الزمالك".
مستشار النادي الأهلي
وأضاف عمرو أديب خلال برنامج "الحكاية" المذاع علي قناة "إم بي سي مصر": "لو الحكم مش موجود فتلك مصيبة، أو الحكم موجود والمستشار القانوني للنادي الأهلي ما يعرفش فالمصيبة أعظم".
براءة مرتضى منصور
وعلق عمرو أديب: "شيء غريب جدًّا، اللي بيحصل ده يخلي الواحد مش فاهم حاجة خالص، هو مرتضى منصور خد براءة ولا غرامة ولا مفيش حاجة خالص، ولو طلع في النهاية مفيش حاجة خالص تبقى حدوتة غريبة جدًّا".
مناشدة عمرو أديب
وتابع: "هل خبر براءة مرتضى منصور حصل ولا إيه اللي حصل، ويجب على متحدث وزارة العدل أو متحدث باسم المحكمة يقول لنا إذا كان فيه حكم ولا مفيش، ولكن شيء غريب اللي احنا فيه دلوقتِ".
موقف النادي الأهلي
وأكمل: "ابتديت أشك لأن مرتضى منصور في الحالات اللي زي دي لما ياخد براءة بيحتفل، ولكن مين اللي طلع الخبر دا وهو صح ولا غلط، وهل المواقع الساعة اللي جاية هتنشر نفي بعدم البراءة، وسألت إيه القصة محدش عارف حاجة، وأنا مش واقف عند الحكم ودي مسائل بتاعت القانون ومش ليَّ رأي ولكن اللي بيحصل ليه؟ وهناك علامة تعجب كبيرة بطول برج الجزيرة، ولو الحكم صح يبقى الأهلي والكابتن الخطيب يمشي المستشار القانوني لجهله بالحكم".
