السيسي للمصريين: "إحنا بخير والأمور ماشية كويس وعندنا اللي يكفينا"| فيديو

وجَّه الرئيس عبد الفتاح السيسي رسالةً إلى الشعب المصري، قائلًا: "كنا لسه خارجين من كورونا وقلنا يمكن نبتدي بقى نتحرك علشان نحسِّن الأوضاع ولكن ربنا أراد أن يكون فيه أزمة تانية، ولكن بقول للناس إحنا بخير والأمور ماشية كويسة، وعندنا الأساسيات المطلوبة متوفرة كويس بعدد شهور مناسب، وهذا أمر عكفت عليه خلال السنين اللي فاتت، ويبقى عندنا احتياطي من السلع يكفى 4 شهور علشان لو فيه أي ظروف وعندنا اللي يكفينا، وربنا يعديها على خير".
 

احتياطي السلع الأساسية

وأضاف خلال مداخلة هاتفية ببرنامج "من مصر" الذي يقدمه الإعلامي عمرو خليل بقناة "سي بي سي": "الحمد لله معندناش نقص في أي سلع لا في السكر ولا الزيت ولا الأرز ولا الشاي ولا أي سلعة".
 

تأمين السلع الإستراتيجية

ولفت: "كنت حريصًا على مدار السنوات الماضية على تأمين الاحتياطي الإستراتيجي من السلع لمواجهة أي أزمات أو ظروف طارئة".

قيمة صوامع القمح

وأشار: "صوامع القمح اللي عملناها بتحافظ على 20% من الفاقد من القمح سنويًّا، أي مليون و700 ألف طن، والصوامع آدمية بعيدة عن الفساد والقوارض والحشرات، ولدينا احتياطي حاليًا يصل إلى 5.7 مليون طن وهنعمل صوامع تاني، وبنعمل توسع في زراعة القمح وهتزيد خلال العامين الجايين لمليون فدان".

مواجهة ارتفاع الأسعار

وأكد: أنه سيتم تطبيق إجراءات لمواجهة التداعيات الاقتصادية وارتفاع الأسعار.

السيسي: إجراءات جديدة خلال يومين في ملف الحماية الاجتماعية | فيديو

السيسي: "ظروفنا صعبة.. ولما ربنا يفرجها علينا هنفرجها على الناس كلها" | فيديو

وقال الرئيس عبد الفتاح السيسي، في نفس المداخلة: "أنا مسئول عن المصريين وعلشان كده مقدرش أغفل أو أتجاوز أي حاجة تيجي قدام عيني لأني هتحاسب قدام ربنا سبحانه وتعالى لو شوفت وطنشت أو سكت".

التخفيف عن المصريين

وتابع خلال مداخلة هاتفية ببرنامج "من مصر" الذي يقدمه الإعلامي عمرو خليل بقناة "سي بي سي": "فيه مشاكل كتيرة وفيه بيوت كتير وناس كتير في مصر عندها مشاكل أكيد بس على الأقل أشوفهم وأساعد في حل مشاكلهم، وأتمنى أننا كلنا كمصريين ومسئولين أن نبقى عارفين إن اللى هيخفف عن حد ربنا هيخفف عنه.. وهنقف قدام ربنا ويمكن كلمة وشفاعة من أخت ست زي السيدة محروسة تبقى شفاعة طيبة تقول لما شافنا حاول يحل ويساعد، وربنا وحده اللي يعلم أننا مش عايزين حد محتاج أو محووج بس إحنا ظروفنا صعبة أوي وخلوا الناس الطيبة تدعى إن ربنا يفرجها علينا".

مساعدة المحتاجين

وأضاف الرئيس السيسي: "لما يفرجها علينا هنفرج على الناس كلها ومش هنسيب حد، وفيه مئات الألوف محتاجين المساعدة ومش شايفنهم ويمكن صوتهم مبيوصلناش ولكن ربنا يعلم أني شايفهم وحاسس بيهم وبجري على قد ما ربنا يقدر".