القصة الكاملة لأزمة هشام المليجي ورانيا شاهين
تصدر اسم الفنانة رانيا شاهين، والفنان هشام المليجي، مؤشرات البحث علي جوجل وذلك، بعدما ناشدت الاولي المنتجين لتوفير فرصة عمل للفنان هشام المليجي، وهو ما أغضبه وأعرب عن رفضه التام لحديثها.
بداية الأزمة
وكانت بداية الأزمة عندما كتبت رانيا شاهين عبر فيسبوك قائلة: «الراجل ده جاري في العمارة اللي جنبي ومتربيين مع بعض.. مش بيشتغل وهو ممثل ممتاز.. ومكافح وعنده اكتئاب وبيرفض انه يكلم حد على شغل علشان هو حساس …تحية ليك يا جاري العزيز الصابر الصامت صاحب عزة النفس.. أنا عارفة إنه هيزعل مني لما يعرف إني كتبت الكلام ده…بس كل ما أزوره حقيقي بيصعب عليا.. مع إنه مش بيشتكي بس باين عليه»
رفض هشام المليجي
ليخرج من بعدها «المليجي» قائلًا: «فجأه لقيت الصحافة كلها بتكلمني بسبب منشور من زميلة وصديقة أكن لها كل الحب والاحترام.. أنا بخير ولا يوجد ما يعكر صفو حياتي والأمور على خير ما يرام.. الشغل ده رزق ومكتوب ولا حيلة لنا في الرزق.. أنا تمام وبصحة جيدة ولا أعاني من الاكتئاب بسبب عدم مشاركتي في الأعمال التلفزيونية أو السينمائية.. أعمالي قليلة صحيح بس معروفة وربنا وفقني فيها والناس أكثرها بتحبني وسيرتي كويسة في الوسط الفني ومعنديش مشكلة مع حد وربنا يعدي الحرب اللي دايره اليومين دول على خير ويرفع عننا الوباء والبلاء.. شكرا لكل الأصدقاء والمتابعين ومفيش أي مشكلة أصلا والحمد لله على كل حال وربنا يسترنا دنيا وأخرة».
تصريحات رانيا
في هذا السياق لم تنتهي الازمة عند هذا الحد، بل تحدثت رانيا شاهين في مداخلة هاتفية، في برنامج «كلام الناس»، المذاع على فضائية إم بي سي، وتقدمه الإعلامية ياسمين عز، قائلة: «كتبت بوست علي فيسبوك وحاولت أفكر الناس بهشام عشان ميتنسيش في زحمة الأيام فهو جاري واعرف عنه كل حاجة وهناك فنانون بيتكسفوا يطلبوا شغل».
وأضافت «شاهين»: «هو زعل من البوست اللي كتبته وطالبني بحذف البوست ويمكن انا فهمت غلط وكنت عارفة أن كلامي هيزعله».
وبعد الهجوم الذي كتبه «المليجي» على «رانيا» مشددًا عليها بـ «متجبيش سيرتي في أي حاجة»،
في هذا السياق ردت «شاهين» على فيسبوك قائلة: «أنا شايفة الموضوع اخد اكبر من حجمه هشام ده صديقى وجارى من زمان وانا حبيت اساعده مش اكتر زى ما بساعد ناس كتير من الزملاء فى الوسط من الموهوبين اللى مش واخدين حقهم وكلنا بنساعد بعض على فكرة لان مجال العمل الفنى حاليا بقى صعب مش فاهمه ليه هو اخد الموضوع بحساسية زيادة المفروض عليه انه كان يشكرنى لان هو عارف انى اكيد اقصد الخير وعاوزه اشوفه ناجح هو وكل اصحابي وغير اصحابي وياخدوه حقهم بما يليق بموهبتهم….وعمر ماحد زعل مني وحطني في موقف زي دا».
ولكن ما لبثت حتى حذفت منشورها السابق، واكتفت بقول: «الحقيقة الصمت طعمه أحلى….من العك دا».
