السيسي عن البناء العشوائي: حجم التحدي كبير
قال الرئيس عبد الفتاح السيسي إن هناك ثقافة يجب تغييرها في التعامل مع البناء وأن المواطن من غير ما يقصد يلاقي حتة أرض جنب بيته فيبني وخلاص.
واضاف: بقولها لكل المصريين وأرجو أنكم تسجلوها كويس وتفكرو فيها كويس.. اللي معاه قرشين وبيروح يبنى أي حاجة.. انا بشوف حجم العمارات وحجم الاشغال اللى فيها لو معاك قرشين تعالي في العمارة بتاعتك 5-6 أدوار وأنت مش هتسكن فيه الو انت معاك فلوس وحطيتها في البنك ده هيوفر لك عائد مناسب.
وقال الرئيس: انت تبني على أرض زراعية أو أرض مش بتاعتك.. اللى بتبنيه مش هيجيب حاجة.. دي ثقافة عندنا حتى الريف يبني دور ولا دورين ومش محتاجه دلوقتي.. ويحتاجه كمان 15 سنة من أجل أولاده.
وتابع الرئيس: لازم نتجاوز النقطة دي مواطنين وشعب حجم كبير من المساكن اللى بشوفها على الدائري مش مسكونة مفيش شباك راكب.
وقال الرئيس السيسي: حجم التحدي أكبر من اللى بنفكر فيه.. الزملاء اللى بيناقشوا لما بنعمل حاجة زي الدائرى الاوسطي شوف بتخدم كام محافظة القاهرة الكبرى والمحافظات القريبة منها.
وافتتح الرئيس عبد الفتاح السيسي اليوم الأربعاء عددا من المشروعات في قطاع الإسكان والطرق.
ويهدف مشروع الإسكان الاجتماعي إلى خدمة طبقة محدودي الدخل حيث يوفر لهم وحدات سكنية مكونة من غرفتين وصالة أو ثلاث غرف وصالة كاملة التشطيب وتتراوح مساحتها من 75 إلى 90 م2 إلى جانب ذلك فإن هذه الوحدات تُقدم بسعر التكلفة فقط بدعم مباشر يتراوح من 5 إلى 25 ألف جنيه، ويستطيع المستفيد من هذه الوحدة سداد ثمنها على مدى 20 عامًا حيث تم الانتهاء من تنفيذ 538 ألف وحدة بكافة المحافظات والمدن الجديدة.
كما يهدف مشروع الإسكان المتوسط - سكن مصر ودار مصر إلى توفير وحدات سكنية لائقة بأسعار منافسة لمثيلاتها المقدمة من القطاع الخاص مع ميزة السداد بنظام التمويل العقاري - حيث تتراوح مساحات الوحدات السكنية لمشروع سكن مصر من 106 م2 إلى 118 م2 وتتكون من ثلاث غرف وصالة كاملة التشطيب وتكون محاطة بسياج شجري للحفاظ على الخصوصية مع توافر أيضاَ المحلات التجارية أسفل العمارات السكنية لخدمة احتياجات المواطنين.
أما مشروع دار مصر فتتراوح مساحات الوحدات السكنية من 100 م2 إلى 150 م2 وتتكون من ثلاث غرف وصالة كاملة التشطيب متضمنة العديد من الخدمات حيث يتوافر به: مول تجاري - مسجد - مدرسة - لاند سكيب - مصاعد - أسواق - محلات تجارية - خدمات منفصلة - أمن وحراسة - سور حديدي يحيط بالمشروع ليصبح كمبوند مغلق لتوفير الخصوصية للمواطنين.
