أحمد سليمان: لم أتوقع حجم التجاوزات في انتخابات الزمالك| فيديو
قال أحمد سليمان المرشح على مقعد الرئيس في انتخابات نادي الزمالك انه لم يكن يتوقع حجم التجاوزات التي حدثت في الانتخابات اليوم.
واضاف سليمان في تصريحات له على هامش متابعته لعملية فرز الأصوات ان نادي الزمالك بالكامل اليوم كان يخدم على مرتضى منصور وهذا ليس عدلا.
وتابع: من يرتضي هذا الذي حدث.. ومن يرضي أن يظل مرتضى منصور على مدار ست ساعات كاملة يوجه السباب في إذاعة النادي الداخلية.
تصريحات عمرو أديب
على جانب أخر قال الإعلامي عمرو أديب:"انتخابات نادي الزمالك حاجة مسيئة وشيء مسيء جدا لصورة نادي الزمالك وصورة طرف أساسي في الرياضة المصرية".
وتابع خلال لقائه ببرنامج "الحكاية" المذاع علي قناة "ام بي سي مصر":"اعضاء نادي الزمالك المفترض صفوة المجتمع، ستات بتتهرس وشباب بتجرى وراء بعض ".
وأكمل:"هل المنافسة حامية الوطيس للدرجة دي، يا جماعة النادي كان فيه خناقة علي صلاة الجمعة؟ هي الأخلاق في مصر جري فيها ايه؟ما احنا شوفنا انتخابات تانية زي الفل..احنا بنتخانق علي ايه في انتخابات الزمالك؟..اللى حصل النهاردة في نادي الزمالك مخجل".
مشاجرات نادي الزمالك
وأكمل:"لو يرضى حد الخناقات اللى حصل انا موافق، بهوات ودبل بيضربوا في بعض طحن والست بتتهرس تحتهم، انا مش عارف بيتخانقوا علي ايه؟ انا مش فارق معايا مين اللى يكسب ولكن في النهاية ايه اللى بيحصل ده من شتايم وخناقات من صفوة المجتمع".
انتخابات نزيهة
واستطرد:"ده بطل افريقيا ونادي الوطنية، ستات تتضرب واطفال تتبهدل ورجالة تطحن، ده لا يمكن يكونوا اعضاء نادي الزمالك، هل ده مستوي اخلاق بهوات اعضاء النادي، هو ده شكل انتخابات وورق مترمى في الأرض، المنظر والله مش مشرف لا للرياضة ومصر متشيلش الكلام ده، دا انتوا لو اعداء يا راجل مش هتعملوا كده، والكسبان هياخد ايه ده نادي مش لاقى ياكل وعنده ازمات مالية، ومش عارفين لسه نجدد للاعيبة، هو ده كده جو انتخابات نضيفة ونزيهة؟ انا معرفش بس المنظر اذاني للنادي اللى انا بحبه طلع شكله وحش".
