المندوه الحسيني يشارك في انتخابات الزمالك| صور

حرص الدكتور المندوه الحسيني أمين صندوق نادي الزمالك سابقا ـ أمين عام المدارس الخاصة على مستوى الجمهورية ـ على مشاركة الجمعية العمومية لنادي الزمالك في العملية الانتخابية التي أجريت اليوم بمقر النادي لاختيار مجلس ادارة جديد يقود النادي لـ 4 سنوات مقبلة.

ولاقى المندوه الحسيني ترحاب كبير من الجمعية العمومية حيث يرتبط بعلاقات قوية مع الجميع منذ أن تولى المسئولية لفترة طويلة في السابق.

تصريحات عمرو أديب 

على جانب أخر قال الإعلامي عمرو أديب:"انتخابات نادي الزمالك حاجة مسيئة وشيء مسيء جدا لصورة نادي الزمالك وصورة طرف أساسي في الرياضة المصرية".

وتابع خلال لقائه ببرنامج "الحكاية" المذاع علي قناة "ام بي سي مصر":"اعضاء نادي الزمالك المفترض صفوة المجتمع، ستات بتتهرس وشباب بتجرى وراء بعض ".
 

وأكمل:"هل المنافسة حامية الوطيس للدرجة دي، يا جماعة النادي كان فيه خناقة علي صلاة الجمعة؟ هي الأخلاق في مصر جري فيها ايه؟ما احنا شوفنا انتخابات تانية زي الفل..احنا بنتخانق علي ايه في انتخابات الزمالك؟..اللى حصل النهاردة في نادي الزمالك مخجل".

مشاجرات نادي الزمالك

وأكمل:"لو يرضى حد الخناقات اللى حصل انا موافق، بهوات ودبل بيضربوا في بعض طحن والست بتتهرس تحتهم، انا مش عارف بيتخانقوا علي ايه؟ انا مش فارق معايا مين اللى يكسب ولكن في النهاية ايه اللى بيحصل ده من شتايم وخناقات من صفوة المجتمع".

انتخابات نزيهة

واستطرد:"ده بطل افريقيا ونادي الوطنية، ستات تتضرب واطفال تتبهدل ورجالة تطحن، ده لا يمكن يكونوا اعضاء نادي الزمالك، هل ده مستوي اخلاق بهوات اعضاء النادي، هو ده شكل انتخابات وورق مترمى في الأرض، المنظر والله مش مشرف لا للرياضة ومصر متشيلش الكلام ده، دا انتوا لو اعداء يا راجل مش هتعملوا كده، والكسبان هياخد ايه ده نادي مش لاقى ياكل وعنده ازمات مالية، ومش عارفين لسه نجدد للاعيبة، هو ده كده جو انتخابات نضيفة ونزيهة؟ انا معرفش بس المنظر اذاني للنادي اللى انا بحبه طلع شكله وحش".