المطب الهوائي.. كابوس المضيف الذي يوقفه عن الطيران
![مصر للطيران](images/no.jpg)
صرح مصدر مسئول بشركة مصر للطيران بأنه بسبب سوء الأحوال الجوية فى تونس تعرضت رحلة الشركة رقم 843 من طراز بوينج B737-800 من القاهرة إلى تونس، وعلى متنها 91 راكبا لمطب هوائي شديد نتيجة اضطرابات فى الغلاف الجوى قبيل هبوطها بمطار قرطاج الدولى فى تونس؛ مما أدى إلى إصابة اثنين من طاقم الضيافة بإصابات طفيفة، بينما لم يصب أحد من الركاب.
المضيف الجوي
وقد هبطت الطائرة بسلام في مطار قرطاج، وأقلعت فى رحلة العودة إلي القاهرة مرة أخرى، وعلى متنها 99 راكبا.
وعلق نقيب الضيافة السابق أسامة عبد الباسط علي صفحته على “الفيس بوك” على الواقعة، قائلا: اما حضرتكِ أو حضرتك فى طيارة.. اهتم إنك تتفرج على شريط السلامة الجوية اللى بيتعرض حتى لو كنت بتسافر كل يوم فى طيارة".
وأضاف: “لما المضيف أو المضيفة يطلب منك تعمل حاجة، من فضلك اعملها لأن ده علشان سلامتك الشخصية قبل أى حاجة، وتأكد إنهم مش سايبين بيوتهم ولا أهلهم علشان يتمنظروا عليك، ودايمًا زى ما شرائط السلامة بتنصح يفضل إنك تكون رابط حزام الأمان طول ما أنت قاعد فى كرسيك”.
مخاطر وأهوال مهنة الضيافة
وتابع: "كتير ممكن يكونوا شايفين مهنة الضيافة فسح ولف بلاد العالم، وربنا ميكتبش على حد مخاطر أو أهوال المهنة دى، واللى أتفه حاجة فيها إن الطيارة ممكن تدخل مطبات هوائية تكون معروفة قبل الرحلة للطيارين وطبعًا بيتم التعامل معاها وفقًا لقواعد السلامة الجوية، وفيه أنواع مطبات بتكون مفاجئة مش مرصودة قبل الرحلة ودى بتكون خطيرة جدًا جدًا على طاقم الضيافة تحديدًا لأنهم بيتحركوا فى الطيارة".
وأوضح أنه "كان لديه زميل في التسعينات، تعرض لمطب هوائى مفاجئ من النوع الذى لا يرصده الرادار، أعتقد اسمه عند الزملاء الطيارين Mixecan Hat.. خبط فى السقف ونزل على ضهره.. وسنين علاج، وفى النهاية لم يعد لائقًا طبيًا للطيران".
وتمنى عبد الباسط “الشفاء العاجل لكل من (م. ع.) و(م. ح.) ويا رب تقوموا بألف سلامة من العمليات الجراحية اللى بتعملوها وهتعملوها نتيجة المطب الهوائى المفاجئ، ويارب يتم اعتبارها إصابة عمل”.