حق بسنت خالد لازم يرجع.. والنشطاء: ننتظر القبض على المبتز

حالة من الحزن الشديد خيم على مواقع التواصل الاجتماعي بسبب انتحار بسنت خالد، طالبة الثانوي التي قررت أن تنهي حياتها بسبب صور مفبركة لتشويه سمعتها، وطالب نشطاء مواقع التواصل الاجتماعي  بتغيير القوانين وسن قوانين جديدة لمعاقبة كل من يقوم بتشويه السمعة بالكذب.

حق بسنت لازم يرجع

ودشن نشطاء مواقع التواصل الاجتماعي هاشتاج بعنون "#حق_بسنت_خالد_لازم_يرجع"، الذي تصدر تريند مصر على موقع التواصل الاجتماعي تويتر، وعبر فيه النشطاء عن حزنهم على انتحار بسنت، مؤكدين أنهم لن ينقطعوا عن الكتابة في الهاشتاج حتى يتم القبض على كل من قام بتشويه سمعة بسنت خالد، ليأخذ العقاب الرادع له.
في البداية كتب الأزهر تغريدة على تويتر عن جريمة تشويه السمعة التي تعرضت لها بسنت خالد "مراعاة مشاعر الناس، وحفظ سمعتهم في مجتمعاتهم من حقوقهم التي كفلها الإسلام لهم، وتوعد من انتهكها بسوء العاقبة وعظيم الجزاء. قال الله سبحانه {وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا}"

وقال الأزهر "صنف اتهام الناس بالباطل والكذب ضمن المعاصي الكبرى والجرائم الدنيئة، التي لا تنحصر أضرارها على مستوى الأفراد والمجتمعات وتدل على خبث من اتصفوا بها {إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ}"

قسوة المجتمع

وعلقت الفنانة سمية الخشاب قائلة: "حبيبتي بسنت، ان شاء الله ربنا يغفرلك عشان الظلم اللي اتعرضتيله ويسامحك على طريقتك في الهروب من قسوة المجتمع (المتدين بطبعه) اللي نسبة كبيرة منه فيهم العبر بس بيحبوا يحاسبوا وينصبوا نفسهم آلهه، اما المجرمين فهتتجابوا وياريت تتعدموا ونخلص منكم ومن امثالكم.  #حق_بسنت_خالد_لازم_يرجع"
وقال النسر المصري "لازم القوانين تتغير في الحالات اللي زي كده ولازم يبقى في عقاب رادع لكل من تسول له نفسه يشوهه بالكذب والتضليل سمعة إنسان ولازم يبقى في قانون رادع للتنمر ومعاقبة المتنمرين #حق_بسنت_خالد_لازم_يرجع"
وأضاف محمود رفعت " #بسنت_خالد شابة ذات 17 ربيع بأحد قرى #مصر، قام أحد معدومي الضمير بفبركة صورة مخلة لها كي يبتزها جنسيا ولما رفضت نشر الصور بالقرية لتنتحر بتناول حبوب الغلال شديدة السم تاركة كلمات مؤثرة لأمها التي لم تساندها.. يجب توقيع عقوبة القتل العمد مع سبق الإصرار عليه #حق_بسنت_خالد_لازم_يرجع"

صور السوشيال ميديا

وقال أيمن سلامة " محدش سأل نفسه ليه البنات في مصر مش بينزلوا صورهم ع السوشيال ميديا كصورة للبروفايل بتاعهم لأنهم بيخافوا من اللي حصل مع #بسنت_خالد عشان كده #حق_بسنت_خالد_لازم_يرجع وبسرعة"
ورد تميم "#حق_بسنت_خالد_لازم_يرجع الجريمة لازم يتحاسب عليها المبتز الذي دفعها عمدا للانتحار واهلها ابوها وامها اللي كانوا أسوأ نموذج لأب وأم في أزمة كبيرة زي كده مرت بيها بنتهم ودفعوها للانتحار مشاركة مع المبتز"
وعلق مارك ميم قائلًا: "الظاهر انها كانت وحيدة في مواجهة البشاعة اللي اتعرضت ليها حتى الأم اللي هي صمام الأمان لأي بنت مكنتش معاها. انا زهقت من كم اليأس اللي جوانا كلنا واللي بيخلي ناس تنتحر اتمنى كل دا يروح وكفاية ضحايا. #حق_بسنت_خالد_لازم_يرجع"
ورد محمد عبد المعبود قائلًا: "#حق_بسنت_خالد_لازم_يرجع كل من شارك فيديوهات بسنت ونقله شارك في جريمة قتله وإن شاء الله ربنا هاينتقم منهم في الدنيا والآخرة"

قانون ضد المتحرشين

وقال ضياء الدين "خليكم قريبين من عيالكم وتحديدا بناتكم وخلوهم لما حد يبتزهم أو يهددهم بحاجة سواء عملوها أو معملوهاش، هما الي يهددوه بأنهم حيقولولكم، وربنا يسترها على الجميع.  #حق_بسنت_خالد_لازم_يرجع"
وعبر سيف الدين عن حزنه قائلًا: "خطيب البنت اللي انتحرت مع عمرو  بيقول ليلة الوفاة دي المدرس بيقولها انتي بقيت الترند رقم واحد في البلد اكتر من الممثلة شيماء! المدرس... اللي يقول كده لبنت عندها ١٧ سنة دا لازم يتحاسب قلبي وجعني علي البنت اللي  شافته محدش يستحمله ابدا لا ربنا يرحمها"
وقال خالد كايرو مصر "اتمنى اصدار قانون ضد اى متحرش بالنساء والفتيات سواء فى الشارع او على النت يصل فيه الحكم إلى الإعدام، موضوع انتحار طالبة الثانوي بسنت بنت إحدى قرى محافظة الغربية بسبب تشويه سمعتها بصور مفبركة مش قادر اتخيله #حق_بسنت_خالد_لازم_يرجع"

جريمة تشويه السمعة

وأضاف محمد خورشيد "ان شاء الله حقك راجع ربنا يرحمك ويغفر لكي.. كل... شوه سمعتك او تسبب في الأذى النفسي ليكي لازم يتحاسب بالقانون  #حق_بسنت_خالد_لازم_يرجع"
وقالت نيفين "القضية مش إن الصور ملفقة واللا لا، الصور لو حقيقية فمش من حق حد يسربها ولا تتعاير بيها الجريمة في حق البنت حصلت سواء الصور حقيقية أو مزورة #حق_بسنت_خالد_لازم_يرجع"
أما أحمد فعبر عن أمنيته بالقبض على من شوه سمعة بسنت فقال: "بتمنى يكون في خبر سعيد ان تم القبض على المبتز وكل اللي تسببوا في أذية الملاك بسنت وبجد أتمنى من الكل يشارك في الهاشتاج لحد ما نسمع "تم القبض". بسنت ضحية مجتمع كامل #حق_بسنت_خالد_لازم_يرجع"

عتاب للأهل والجيران

ورد هادي قائلًا: "#حق_بسنت_خالد_لازم_يرجع عتاب لاهلها وجيرانا والمجتمع اللي حواليها غاب ازاي عنكم ( فتبينوا)(فتثبتوا) هو اي حد يركب وضعية على بنت تبقى هيا خلاص مفيش لا عقل ولا حتى منطق"
وعلق المطوع قائلًا: "بسبب حب مجتمعاتنا للفضائح #بسنت_خالد  كانت متهمة وهي على قيد الحياة وحصلت على صك براءتها مقابل حياتها #حق_بسنت_خالد_لازم_يرجع"

بعد انتحار بسنت ضحية الابتزاز.. إزاي تحمي نفسك

والد بسنت ضحية الابتزاز: عندي بنتين وبقول لهم ربنا يستر عليكم في الزمن دا

فيما قال عمرو يونايتد "حسبنا الله ونعم الوكيل.. أقسم بالله أنا قلبي بيتقطع من امبارح على البنت دي ربنا يرحمها ويغفر لها وبإذن الله ربنا يظهر الحق والعيال... دى تتجاب وتتحاسب ويكونوا عبره لأي حد يفكر يعمل كده مع بنات الناس. اكتر حاجة وجعاني موقف أهلها بجد حاجة تقرف. #حق_بسنت_خالد_لازم_يرجع"