السيسي: هعمل 100 ألف شقة إيجار بفرشهم.. خش يا عريس ويا عروسة في الشقق اسكن وادفع إيجار
قال الرئيس عبد الفتاح السيسي بشأن وقف البناء في الدولة: كانت مراحل وقلنا هنقعد 10 سنين الدولة تبني.. وماتسمحش لحد يبني تاني لغاية ما نعمل آليات منضبطة بشأن التراخيص وغيره.
وأضاف الرئيس السيسي: "دلوقتي مفيش آليات منضبطة.. طيب ده عيب في المحافظ أو الوزير.. لأ.. دي ثقافة واتمدت وخرجت عن السيطرة، وأصبحت ممارسات يصعب بالوسائل التقليدية والنظم مواجهتها".
وتابع الرئيس: قلت هعمل 100 ألف شقة إيجار بفرشهم.. خش يا عريس ويا عروسة في الشقق اسكن وادفع إيجار.. وهعمل ده.. ولكن حرام نحط فلوسنا يا مصريين في مباني لا نستفيد منها" في إشارة إلى أصحاب العقارات.
وأكد الرئيس: الفقير ما عندهوش غير الأفكار وديما بيقول يا رب"، موجها حديثه لوزير الإسكان بالقول: "دلوقتي الملاءة المالية كام.. 400 مليار.. والاستثمارات 150 مليار.. ولكن متكلمنيش غير لما يبقى معاك تريليون و2 و3 تريليون.. وده هيحصل بالأفكار والعمل والإصرار وربنا هيوفق".
وافتتح الرئيس عبد الفتاح السيسي مدينة أسوان الجديدة، كما تفقد كورنيش المدينة ومنطقة الاسكان والفيلات.
وتفقد الرئيس السيسي أيضا معرض الحرف اليدوية بمدينة أسوان الجديدة.
وافتتح الرئيس السيسي اليوم مصنع اليوريا ونترات الأمونيا بمنطقة كيما 2 بمحافظة أسوان كما تفقد الرئيس المصنع واستمع إلى شرح تفصيلي كما التقط الرئيس الصور التذكارية مع العمال والقيادات.
كما تفقد الرئيس محطة سكك حديد أسوان ويشهد تدشين الوحدات المتحركة الجديدة من قاطرات وعربات السكك الحديدية.
