الكهرباء: إنتاج مجمع بنبان يماثل السد العالي
قالت المهندسة صباح مشالي رئيس الشركة المصرية لنقل الكهرباء، إن مجمع بنبان للطاقة الشمسية ساهم في توفير 10 اَلاف فرصة عمل لأبناء الصعيد.
الطاقة الإنتاجية لمجمع بنبان
وأضافت خلال مداخلة هاتفية ببرنامج "صالة التحرير" الذي تقدمه الإعلامية عزة مصطفى بقناة "صدى البلد": "القدرة التصميمية لمجمع بنبان تكاد تماثل السد العالي؛ حيث ينتج 2000 ميجا وات بينما الكهرباء التي ينتجها السد العالي ينتج 2100 ميجا وات".
الطاقة المتجددة
وأكدت: الطاقة المتجددة ستمثل 42% من كهرباء مصر خلال عام 2035.
ووجه الرئيس السيسي الشكر إلى الدكتور محمد شاكر وزير الكهرباء، على جهوده في ملف الطاقة والكهرباء، قائلا: فرصة النهاردة اشكر الدكتور شاكر كزميل هنا لينا وعلى الجهد اللى عمله في مشكلة من أكبر المشاكل اللى قابلتنا في مصر.
وأضاف الرئيس السيسي: مش كل مرة في الافتتاحات بنتكلم عن اللى اتعمل وبكام وكده.. إحنا النهاردة بنتكلم عن عالم جليل فاضل في التخصص.. ومن خلال جهده وعلمه يقدر يحقق نقلة في موضوع الكهرباء في مصر".
قطاع الكهرباء
وأكد الرئيس السيسى، أن قطاع الكهرباء شهد ظروفا صعبة في الدولة المصرية قبل البدء في تطويره بشكل كامل.
وقال الرئيس: قطاع الكهرباء في كل شيء كان صعب جدا وفي موضوع الطاقة.. وماشيين في الطاقة ومش اقصد على الكهرباء بس.. إحنا لما اتكملنا عاوزين مصر فيما يخص الطاقة الكهربائية سواء إنتاج أو توزيع أو تحكم زيها زى أي دولة متقدمة جدا في المجال".
دول الجوار
وأضاف الرئيس السيسى: نقدر نعمل ربط كهربائى مع دول الجوار نقدر.. ظروفنا في 2013 و2014 قبل كده مكنش هنقدر.. العالم رايح لكده.. الدولة اللى مش هتكون جاهزة هيفوتها الربط الكهربائى وده لمصلحة البشر والشعوب.. لازم يكون عندك ربط وتتبادل والاستفادة المتبادلة في الكهرباء.. والإجراءات والجهود في هذا المجال.. لازم يكون قطاع الطاقة أو الكهرباء من أرقى ما يمكن.. بوجه التحية والتقدير إلى الدكتور شاكر ووزارة الكهرباء.
تريليون و100 مليار جنيه
وقال الرئيس السيسي: دكتور شاكر له مكتب وشركة كبيرة.. "مكتب شاكر".. ساب الشركة دى ولم يسمح لها بالدخول مع الدولة والحكومة والقوات المسلحة.. ليه يا دكتور شاكر.. آى حاجة بيعملها بدون مقابل.. وانا حابب الحكاية دى".
وأوضح الرئيس السيسي إن الاستثمارات في الصعيد خلال الفترة الماضية تخطت تريليون و100 مليار جنيه
وأضاف الرئيس: الأرقام اللى اتحطت للصعيد فوق التريليون جنيه و100 مليار جنيه فى الكام سنة دول ولسه شغالين".
وأشار الرئيس السيسي إلى “أن عرض أسبوع الصعيد هدفه أن نقول للناس الاهتمام مش كلام.. حد من كام يوم بيقولى الرقم كام.. أديك رقم صغير وأسيبك كده لا كهرباء ولا مياه ولا صرف صحي ولا طرق ايه ده؟”.
مشروع حياة كريمة
وقال الرئيس: الإعلام مهم جدا إنه ياخد البيانات وإذا كان محتاج يبسطها بالتنسيق مع وزارة الكهرباء ميجراش حاجة علشان في النهاية الناس تجد الخدمة بالشكل المناسب".
وقال الرئيس السيسي، إن مشروع حياة كريمة في محافظات الصعيد يضم أكثر من 30 مركزا.
وأضاف: معرفشى اللى هقوله مناسب.. هل ممكن العدادات اللى هنعملهم في مراكز حياة كريمة.. الـ 34 مركزا تكون العدادات مسبوقة الدفع.. لما اعمل خليت المواطن شايف الاستهلاك.. فيه ناس اشتكت أن القراءة مش مضبوطة.. العداد معاك وانت اللى بتشحنه بدون قراءة.. انت تنظم استخدامك للكهرباء".
وأضاف الرئيس السيسي: لو نقدر نعمله يا ريت عداداتنا في الدولة المصرية تكون مسبوقة الدفع.. علشان مشكلة الشكاوى من القراءات.. لو ده ممكن يبقى نعملها.. مش هطول اكتر من كده.. بشكرك يا دكتور شاكر.. ولسه احنا فى أسبوع الصعيد وهنكمل بكرة".
