السيسي: مش عاوزين نغلي الكهرباء عليكم.. أحب كل واحد ياخد حقه
![الرئيس عبد الفتاح](images/no.jpg)
قال الرئيس عبدالفتاح السيسي: “كانت المشكلة في 2014 إن إحنا ننتج كهرباء بس.. لأ.. ننتج وننقل ونخلى جودة توزيعها عالية، علشان نعمل ده اتكلف تريليون و58 مليار جنيه بدون تكاليف مشروعات حياة كريمة..الرقم ده لما أتحط، كتير مننا قال: هل كان فيه خيار تاني ..لأ”، مشيرا إلى أن الخطة العاجلة للكهرباء تكلفت 2 مليار دولار.
وأضاف الرئيس السيسي: “المحاضرة دي والتقديم بتاع الدكتور شاكر موجودة على موقع وزارة الكهرباء، وتفاصيل أكتر من كده، والبيانات دي مهم انها توصل للناس، سواء الورقي والتليفزيون والراديو نتكلم عن الموضوع ده علشان الناس تعرف الحكاية ماشية إزاي”.
وقال الرئيس: "لما بتكلم مع الناس يقولوا الكهرباء غالية علينا، صحيح، هي غالية لكن مش عاوزين نغليها عليكم.. أحب كل واحد ياخد حقه، أنا وفرت لك خدمة،..حوكمة إجراءاتنا اللى احنا بنعمله نستهدف منه تحصيل ولا لا... لو مش بنحصله هايبقى فيه عجز مش هتقدر الدولة تتحمله..دولة ذات شأن وننمى أنفسنا وندي فرصة للقطاع الخاص والصناعة إنها تنمو وتستقر، ولو مفيش كهرباء المصانع هتقفل مصانعها والعمالة هتبقى بره والبلد دي هتتهد".
جاء ذلك خلال تفقد الرئيس عبد الفتاح السيسي امجمع بنبان للطاقة الشمسية بمحافظة أسوان، كما يفتتح عددًا من المشروعات التابعة لقطاع الكهرباء بمحافظات الصعيد.
وقال السفير بسام راضي المتحدث الرسمي باسم رئاسة الجمهورية إن مجمع بنبان للطاقة الشمسية هو أضخم محطة لتوليد الكهرباء من الطاقة الشمسية على مستوى العالم، والذي تم إنشاؤه بالشراكة مع القطاع الخاص والخبرات الدولية المتخصصة، كما يعد أحد أهم مشاريع البنية التحتية في مصر لتوليد الكهرباء من الطاقة الجديدة والمتجددة.
وشهد الرئيس عبد الفتاح السيسي افتتاح عدد من المشروعات التنموية بمحافظات الصعيد خاصة في مجال الزراعة ومنها مشروع توشكى الخير وذلك ضمن فاعليات "أسبوع الصعيد".
كما تفقد الرئيس السيسي عددا من المشروعات القومية العملاقة في مجال الزراعية بمنطقة جنوب الوادي توشكى.
كما افتتح الرئيس السيسي من محافظة قنا سلسلة من المشروعات القومية الجديدة بمختلف القطاعات بصعيد مصر.
كما تفقد الرئيس السيسي عددًا من المشروعات القومية الجديدة بصعيد مصر كما استمع لعروض وشروح تفصيلية عن العديد من تلك المشروعات.
وتأتي افتتاحات المشروعات القومية ضمن فاعليات "أسبوع الصعيد" في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددًا من المجمعات الصناعية والمحاور والطرق لا سيما المحاور العرضية على نهر النيل.