زميلة الموظف المنتحر داخل شركة بالتجمع الخامس تكشف أسباب انتحاره | فيديو
قالت روشان البغدادي، زميلة الموظف المنتحر بمقر عمله داخل شركة بالتجمع الخامس "نور عاشور": "كنت بجواره عقب الحادث مباشرة، والغريب في الواقعة أنه انتحر، وألقى بنفسه في منتصف الشيفت، وليس في نهايته أو بدايته".
نظام قهري داخل العمل
وأشارت خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "الموظف المنتحر كان يعاني من مشكلات داخل الشركة، وزملاؤه وزوجته أكدوا نفس الكلام، مفيش رحمة في الشغل، وبنتعامل بنظام الكروت بتبدأ بالكارت الأصفر ثم الأحمر ثم الأسود والطرد من الشركة".
إلغاء نظام الكروت
وتابعت: "بيتعاملوا معانا كموظفين في الشركة وكأننا خرفان في زريبة، ولازم نتكلم علشان ننهي نظام الكروت".
خلافات الموظف المنتحر مع المدير
وأوضحت: "نور عاشور كان يواجه خلافات مع مدير الشركة، والكل بيقول لي إن الأكونت اللي شغال فيه مقبرة، وبيفضلوا يعصروا في الموظف علشان تحقيق الأرقام".
وأضافت روشان البغدادي: "لما وصلت الشغل كان لسه زميلي واقع على دماغه، وأنا مش قادرة أتخطى هذا المشهد".
وقالت البغدادي: "زميلي كان عايز ينزل على دماغه عشان يتأكد من وفاته"، مشيرة إلى أن هناك تعسفًا من المديرين بالشركة، متابعة: "المهم عندهم تحقيق التارجت دون مراعاة للعاملين بالشركة".
وتابعت زميلة الموظف المنتحر بمقر عمله: "عمري ما شفت نظام كروت للتهديد بالرفت عشان أدخل الحمام".
أعلى راتب في الشركة
ولفتت: "لما وصلت الشركة كان لسه واقع وجسمه متكسر وكان لسه بيتنفس، ولكن الدم كان بينزف من رأسه ومحدش لحقه"، مشيرة: "الشركة يعمل بها الآلاف وهي عالمية وأعلى راتب لا يتجاوز الـ4800 جنيه".
مديونيات الموظف المنتحر
وتابعت: "للأسف نور عاشور موِّت نفسه علشان مديونيات بـ15 ألف جنيه ومشاكل في الشركة".
وأضافت روشان البغدادي: "زميلي كان مشتري أجهزة كهربائية لبيته وكان مستني يقبض البونص عشان يسدد مديونيته البالغة 15 ألف جنيه"، لافتة إلى أن أقصى مرتب في الشركة لموظف الكول سنتر الذي يجد الإنجليزية بطلاقة يبلغ 4000 جنيه.
