دينا: هذا ردي على ارتداء الحجاب وأتمنى من ربنا حسن الخاتمة | فيديو
كشفت الراقصة دينا: "صورتي بالحجاب كانت لها علاقة بدوري في مسلسل "السيدة زينب"، والعمل أحداثه تدور في حي السيدة زينب، ودوري ملهوش علاقة بالسيدة زينب".
حسن الخاتمة وارتداء دينا الحجاب
وعن إمكانية أن تكون نهايتها بارتداء الحجاب، علقت دينا خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "محدش يضمن وربنا يرزقنا حسن الخاتمة".
حقيقة الخلاف مع هيفاء وهبي
وعن حقيقة نشوب خلاف بينها وبين هيفاء وهبي بمسلسل "الحرباية"، قالت: "عمرى ما كان فيه بيني وبينها مشاكل، وهي شخصية جميلة في الشغل وطيبة جدًّا وواثقة من نفسها وعمرها ما تدخلت في أي شيء بالعمل".
دور فيفي عبده في إنجاب دينا
وعن علاقتها بالفنانة فيفي عبده، قالت: "أطيب حد ممكن تقابله، وبحبها وهي كانت السبب في أني أخلِّف ابنى علي، وفضلت تزن عليا، ومكنش في دماغي الإنجاب".
كراهية فيدار
وعن الفنانة فيدرا، علقت دينا: "مبطقهاش علشان ست شريرة وسودة ومش لطيفة، ومفيش حاجة بينا أساسا، وهي كانت متجوزة سامح الباجوري وعندها 17 سنة وأنا اتجوزته بعد لما اتطلقت منه بـ10 سنين فقررت تصاحب حماتي وتقلبها عليا وهي ست شريرة فأنا بكرهها".
وتابعت: "فيه ست خطفت منِّي رجل حبيته مرة واحدة وقتها قلت حسبي الله ونعم الوكيل".
حقيقة زواج دينا وحقيقة الانتحار
وبسؤال عمرو الليثي للراقصة دينا: إنتي متجوزة دلوقتي؟، ردت: "مبردش على الحاجات دي، الحاجات دي مبيتردش عليها خالص، ولا تعليق، وطول ما البني آدم بيتنفس وقلبه بيدق أكيد هيحب ولو أنا حبيت أكيد هتجوز وأنا ضد المصاحبة ولو حبيت حد أكيد هتجوزه، ولكن ضل حيطة ألطف وأنا بتجوز علشان يبقى عندى قيمة وحد أتكلم معاه، وحدادي على أي راجل خرج من حياتي لا يستمر أكثر من 3 أيام، واللي بيموت بنعمله عزاء 3 أيام وأنا مش بحب النكد، بتألم وأعيط 3 أيام بس".
واختتمت: "حاولت الانتحار في مرحلة كنت بحب فيها واحد ووصلنا لمرحلة أن إحنا الاتنين مش طايقين بعض، وهذا الأمر وصلني للتفكير في الانتحار".
