شيرين رضا تهاجم سيدة بسبب كلب: "عديمة الرحمة والإنسانية"
هاجمت الفنانة شيرين رضا، إحدى السيدات بمحافظة الإسكندرية بسبب تركها لـ"كلب" بسوق السمك، وذلك عبر حسابها الشخصي على موقع التواصل الاجتماعي “تويتر”.
وقالت الفنانة شيرين رضا في تغريدة لها على “تويتر”: "واحدة في إسكندرية عديمة الرحمة والإنسانية راحت عند سوق السمك ورمت الكلب بتاعها اللي إيده مقطوعة يا تري الست دي بتعمل إيه في ولادها أو أهلها أصل الرحمة لا تتجزأ، يا تكون رحيم على الكل أو ما عندكش أي إحساس بالندم أو المسؤولية، يا ربي شوية رحمة في قلوب الناس".
وكشفت الفنانة شيرين رضا، في تصريحات سابقة، السبب وراء عدم إنفاقها هي والمطرب عمرو دياب على ابنتهما نور عمرو دياب.
اعتماد نور عمرو دياب على نفسها
وقالت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي":"احنا بالتأكيد قادرين نصرف على بنتنا، سواء أنا أو عمرو دياب لكن البنت لازم تعتمد على نفسها ولازم تعرف تشتغل وتجيب فلوس وتدفع لنفسها".
رسالة زرعتها شيرين رضا داخل ابنتها
وتابعت شيرين رضا:"لازم نزرع جوا أطفالنا أنهم يشتغلوا ويحاربوا ويعتمدوا على نفسهم، وأنا اللي اشتغلت وعملت فلوسي وأبوها اشتغل وهو اللي عمل فلوسه، فلوسنا كلنا هتروح للعيال في الآخر لكن عمر ما حد هيعرف قيمة الفلوس إلا لما يتعبوا ويشتغلوا، وحاجة تفرحنا إنها تطلع وتقول إنها بتعتمد على نفسها ومحدش بيصرف عليها".
وهاجمت الفنانة شيرين رضا، خلال نفس اللقاء، المتنمرين على ابنتها نور عمرو دياب.
هجوم شيرين رضا على المتنمرين على ابنتها نور
وقالت: "عايزة أقول للناس اللي بيقولوا لها شكلك وحش وعاملة كده ليه؟ هما شكلهم عامل إزاي، أنا أصلا أكبر متنمرة في الدنيا واللي هيتنمر على بنتي أنا ممكن أغسله وأشطفه وأرزعه في الأرض وهاكلهم لأني أم، فرجوني جمالكم وحلاوتكم وجسمكم ودرستوا فين واتعلمتو إيه وبتشتغلو إيه".
رسالة شيرين رضا للمتنمرين على ابنتها نور
وتابعت شيرين رضا: "قبل ما تتنمر على حد شوف إنك لازم تبقى أحسن منه، والسوشيال ميديا بقت مؤذية".
رأي شيرين رضا في مشاهد القبلات والأحضان
وعلقت في نفس اللقاء: "القبلات والأحضان لو متوظفة صح في مشاهد السينما هتبقى مظبوطة، وأنا لست ضد المشاهد الساخنة طالما متوظفة صح".
رسالة شيرين رضا لرافضي مشاهد الإغراء والقبلات
وعن الفنانين الذين يرفضون القبلات والمشاهد الساخنة في الأفلام، علقت شيرين رضا: "طب ليه بيشتغلوا في الفن ممكن يشتغلوا في الراديو، والراديو مش لازم يمسكوا حد، ومصطلح السينما النظيفة دي شتيمة لأنه بيشتمنا كلنا يعني اللي ما يعملش غير كده يبقى قاصده إننا مبتذلين أو سمعتنا وحشة، السينما تبين الواقع وحياتنا كبني آدمين، ومش بنعمل حياة البقرة، والست لما بتشوف ابنها اللي بقالها 20 سنة ما شفتهوش ينفع تسلم عليه بس ده خطأ".
