بعد إلغاء تجميد مجلس مرتضى منصور.. نشطاء السوشيال ميديا: بطولات كتير في الطريق للأهلي

تصدر هاشتاج "مرتضى منصور" تريند مصر على موقع التواصل الاجتماعي "تويتر"، فور صدور قرار إلغاء تجميد مجلس إدارة نادي الزمالك، الصادر من المحكمة الإدارية، ليعود من جديد مجلس إدارة نادي الزمالك برئاسة مرتضى منصور للصدارة.

ودشن نشطاء مواقع التواصل الاجتماعي هاشتاج "مرتضى منصور"، ليعبر جمهور نادي الأهلي على فرحتهم لعودة مرتضى منصور لنادي الزمالك، قائلين " الحمد لله فيه بطولات كتير للأهلي في الطريق"، في الوقت الذي انقسم مشجعي نادي الزمالك لقسمين، الأول سعيد بعودة مرتضى منصور واصفين ذلك بعودة الأسد لعرينه، أما الثاني فيطرح عدة طلبات علي مرتضي منه استقرار النادي وتثبيت كارتيرون. في الوقت الذي سخر فيه آخرون من أن عودة مرتضى ستتسبب في رحيل البعض عن النادي منهم كارتيرون. 

بطولات للأهلي

وقال آتون الحكيم " انا كمشجع اهلاوي احب اهني حبايبي الزملكاويه بعودة #مرتضى_منصور كرئيس لنادي الزمالك"

بعد إلغاء قرار تجميد مجلس إدارته.. أحمد مرتضى منصور: مبروك نادي الزمالك

مصدر بالشباب والرياضة: الوزارة تعتزم تقديم طعن على حكم عودة مرتضى منصور لرئاسة الزمالك

وعلق أحمد البحيري قائلًا: "الحمد لله فيه بطولات كتير للأهلي في الطريق.. #مرتضي_منصور"
وهنا رد أم أن صابر قائلًا: "وحكم النهاردة ده حكم اولدرجة حيتم الطعن عليه عادي لسة ادام الادارية العليا وبمجرد للطعن حيوقف القرار بس هو حب يعمل زيطة... نفس فكرة التسجيل بتاع علامة نادي القرن بما عملوا لها فرح ربنا يديم عليهم #مرتضى_منصور.. طب حبة جد في حكم من المحكمة الادارية العليا في ١٥ مارس الماضي برفض طعون #مرتضى_منصور ومجلسه ضد قرار وزير الرياضة بوقف وتجميد مجلسه وابعاده عن النادي.. مورتا رفع طعن في قرار تعيين اللجنة المؤقتة الصادر من مديرية الشباب والرياضة (مش من الوزارة). 

استقرار الزمالك

وقال طه بدر “خالد الغندور يشعر بالخوف هو و5 أخرون #مرتضى_منصور”. 

وعلق عمرو صلاح " الزمالك فيه إستقرار وقوام فرقه قوي يقدر يهزم أي فريق والمرشح الأول لأي بطولة مشارك فيها بشهادة الأهلاوية قبل الزملكاوية.. طيب نعمل إيه نعمل إيه.. رجع مجلس مرتضي... #الزمالك #مرتضي_منصور". 

وأضاف أحمد السباعي " #مرتضي_منصور رجع،،، دي هاتبقي مدبحة ياشقيق". 

وعلق مصطفى قائلًا: " ده انا هنفخكو #مرتضي_منصور". 

ورد الديشا " نتراهن إن بعد رجوع #مرتضى_منصور  هانلاقي خالد الغندور شغال عادي وخد صف مرتضى من جديد كأن مفيش حاجة حصلت.. هو عامل زي عفريت الفانوس السحري اللي بيخدم اللي لقاه بصرف النظر هو اسماعيل يس ولا عبد السلام النابلسي". 

وقال إسلام العالمي "#مرتضي_منصور الخطيب يسافر رسميا ل المانيا ل استكمال العلاج". 

وقال كيمو لكارتيرون "اهرب قبل مايحبسك فى النادى.. #مرتضي_منصور"
وأضاف حمدي ساخرًا من كارتيرون فيحوار متخيل مع مرتضى منصور "#مرتضي_منصور فاكر يا ولد لما جبتك وقلتلك هعملك اللى انت عايزه وشوف طلباتك وانت اصريت انك تمشى مع اننا كنا داخلين على نهاءى الأبطال وخسرناه بسببك؟ دنا هنفخك انت ولبيب والغندور". 

الزمالك المستهدف

وعلق أحمد سعيد قائلًا: "عند إستبعاد #مرتضي_منصور في المرة الأولى كان المستهدف هو نادي #الزمالك.. وبعد عودته الآن فإن المستهدف أيضًا هو الزمالك.. حد فهم حاجه !!!". 

ورد أحمد يحيي فقال "استقرار الفريق..والتجديد  للعيبه  واستمرار كارتيرون وعدم الاقتراب منه.. ده اهم مطالب الزمالكاويه #مرتضي_منصور". 

وقال أبو أمير "#مرتضى_منصور رجع تاني هل الانتخابات هتم ولا هتتاجل". 

وأضاف عبد الحميد العمده علواني الجميعي "عاد #مرتضى_منصور  بحكم القضاء ليسبب رعب للوسط الرياضي الفاشل". 

وعلق ابن مصر قائلًا: "#مرتضي_منصور مرتضى منصور هو راجع النادي تاني سامو عليكو". 

وقال أحمد عبد الوهاب "ايه ده الزمالك مستقر؟ هروب كارتيرون وعزل مرتضي منصور... مفيش فايدة خلاص نرجع مرتضي منصور ونهرب كارتيرون تاني.. مفيش فايدة".