أحمد سعد يتحدث عن تغيير في حياته بعد فشل علاقاته الأخيرة.. وزوجته تصدمه بواقعة | فيديو
قالت علياء بسيوني، زوجة الفنان أحمد سعد: إنها قبل الزواج حدث خلاف مع أحمد سعد لمدة شهرين كاملين، وأنها كانت تترك الجيم عندما كانت تراه، وهي الفترة التي قيل عنها إنهما انفصلا.
كما علَّقت عليا على الانتقادات التي يتعرَّض لها أحمد سعد خلال السنوات الماضية وما صاحبها من أزمات، وقالت ذلك خلال لقائها ببرنامج "90 دقيقة"، المُذاع على فضائية "المحور: "أحمد لو وحش كان بقى ليه أي رد فعل في أي حاجة من المشاكل اللي حصلت، مش معقولة دايمًا القصة تبقى من طرف واحد، مش معقولة المشاكل كلها تيجي من طرف واحد، في جانب مفقود من القصة، ولو كان وحش كان رد ودافع عن نفسه".
ليرد أحمد سعد: "عندي عيوب قاتلة.. وعليا جزء من التغيير وأنا عاوزه.. معظم المشاكل اللي بتحصل أنا اللي برجع أصالحها، وعشان أقدر أتقدم في حياتي مبقتش أشوف مشاكل في حد تاني، بقيت أشوف عيوبي أنا بس، عيوب الآخرين بتاعتهم، عشان أقدر أرتقي بنفسي، لكن مينفعش أبقى عايش في مظلومية وشماعة".
ووجَّه أحمد سعد رسالة إلى المقبلين على الزواج قائلًا: "قبل الجواز الشباب بيفكر في المشاكل لكن المشاكل دي بتنتهي تمامًا بعد الجواز".
ومازح سعد زوجته قائلًا: "عليا مبتعرفش تعمل حاجة في البيت خالص لدرجة أننا جيبنا كل حاجة في الشقة إلا البوتاجاز، وهي حالفة أول ما أجيب البوتجاز مش هاكل بعدها بره.. بس أنا يعني همَّوت نفسي على ما أجرب يكون جالي تسمم أو انسداد في الشرايين".
وتابع: "مامتها كانت بتجيب لها الأكل لحد عندها يوميًا".
وحققت أغنية أحمد سعد ومصطفى حجاج نجاحًا كبيرًا، حيث اقتربت من تحقيق مليونين ونصف المليون مشاهدة منذ طرحها من خمسة أيام.
أغنية ع الدوغري
وتعتبر أغنية "ع الدوغري" التعاون الأول بين أحمد سعد ومصطفى حجاج، وهي من كلمات مصطفى حسن وألحان محمد عبد المنعم، وتوزيع موسيقي أحمد حسامي والهامي دهيمة.
كلمات أغنية ع الدغوري
وتقول كلمات الأغنية: "إحنا بننحت ف الصخر وإيدينا ماتوجعناش وبنمشي ف عز الشمس والشمس ماتلسعناش إحنا لو قولنا ياجري ضلنا مايحصلناش عومان عدينا البحر والبحر ماغرقناش الخوف مايخوفناش فابلاش تناطحنا بلاش بنقفل عداد من غير مانقلب نور ولا ندي فلاش. (إبلع) ع الدوغري وكفاءه سايقين الدنيا سواقه وبنجري ومابنهداش ع الدوغري وكفاءه سايقين الدنيا سواقه لو إيه مايعطلناش إحنا التقال ف مجالنا وف مكاننا لينا شنه ورنه وإختصاص سكتنا عدله وسالكه وفيها بركه جامدين قوي وضد الرصاص نبصم ونمشي ومانتنسخشي فوق ماتقاوحشي ويا الكبار سمعتنا نمره أولى وآخر رجوله كراسينا ملك ومش إيجار ع الدوغري وكفاءه سايقين الدنيا سواقه وبنجري ومابنهداش ع الدوغري وكفاءه سايقين الدنيا سواقه لو إيه مايعطلناش إحنا أسامي كبيره وإنتوا عيره مالكوش مابينا سيره يا أقذام إنتوا نسيتوا إنتوا مين إنصاص ومتساقين وإحنا اللي ف إيدينا اللجام ندخل خناقه آخر جراءه جوه البطاقه مكتوب أسود سكاكينا حاميه نار بتجري أي فار كلمتنا أتقل م العقود".
