بأشهر أغنية صعيدية.. أحمد شيبة يشعل إستديو منى الشاذلي | فيديو

أشعل المطرب الشعبي أحمد شيبة، إستديو الإعلامية منى الشاذلي ببرنامج "معكم" المذاع على قناة "cbc" بأداء أغنية "ويا بت جملك هبشني".

أحمد شيبة: أهلى كانوا فاكرني هطلع أخرس.. واشتغلت بياع كنافة|فيديو

المنتج الفني أحمد زين: جولة غنائية لـ أحمد شيبة.. ومفاجأة جديدة بداية أكتوبر

أحمد يشعل إستديو منى الشاذلي

وتفاعلت الإعلامية منى الشاذلي وجمهورها بالإستديو بغنائه أغنية "ويا بنت جملك هبشني" باللهجة الصعيدية.

أحمد شيبة قبل الشهرة

وقال المطرب الشعبي أحمد شيبة في نفس اللقاء: "اشتغلت كل حاجة قبل الشهرة، ومن 15 أو 20 سنة كنت بشتغل وبعمل كنافة في رمضان".

بائع كنافة

وأضاف: "اشتريت صينية لصناعة الكنافة واشتغلت عليها أنا وشباب أصحابي، وبعدين لما أصحابي مشيوا وسبوني بعتها لعمي سعيد بـ180 جنيه".
 

مشكلة أحمد شيبة في الصغر

ولفت أحمد شيبة: "أنا مكنتش بتكلم خالص وأنا صغير، وخالي كان أخرس وأنا كمان فضلت لحد مرحلة الدراسة في الابتدائي كان النطق صعب عندي، ولحد دلوقتي لما بتعكنن الكلام عندي بيتقطع، وأهلي كانوا مفكرين لحد ابتدائي أني هطلع أخرس لحد لما ربنا كرمني وبقيت مطرب".
 

أول مطرب في العائلة

وأكمل: "أنا أول واحد يغني في عيلتنا وكنت بغني في أفراح صحابي، ويطلعوني أغني لحسن الأسمر وأحمد عدوية وجورج وسوف".
 

وكان الملحن وليد سامي كشف كواليس أغنية أحمد شيبة الجديدة في تصريحات خاصة لـ"فيتو" قائلًا: "الأغنية لم نستقر على اسمها حتى الآن ولكن هي من كلمات عمرو قطب ومن ألحاني، ونبحث الآن عن موزع موسيقي حتى يقوم بتوزيعها".

خلاف أحمد شيبة مع محمد رمضان

يذكر أن المطرب الشعبي أحمد شيبة قال في وقت سابق: "سجلت للفنان محمد رمضان أغنية "يابن دمي" فوجئت أنها نازلة بصوت رضا البحراوي قلت ربنا يسهله".

وأضاف خلال لقائه ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "قلت لمحمد رمضان أمال انت جيبتني ليه من الأول؟ فقالي انت اللى هتغني الأغنية، فجأة لقيت إسماعيل الليثي مغني الأغنية وهو اللي هيصور، فقلت هو بالدور وبيمتحنونا فتأكدت أن إسماعيل الليثي اللي صوَّر".

وتابع: أنا أول واحد غنى الأغنية ومعايا أحمد سعد، ووصل لمحمد رمضان أنى طالب أجر عالي ومش عايز أروحله فعملت له أغنية "إحنا الصعايدة" و"يعلم ربنا".

تتر مسلسل موسى

وأكمل: "لحد دلوقتي معايا أغنية "يابن دمي" ولحد دلوقتي منزلتهاش احترامًا لنفسي ومينفعش أنزلها بعد حد تاني، وعامل لمحمد رمضان تتر جميل في مسلسل "موسى" ومش عارف ليه منزلتش برضو.

أغنية أحمد شيبة الوطنية

يذكر أن أحمد شيبة أهدى أغنية جديدة لوزارة الداخلية بعنوان "ادعوا معايا لمصر"، وذلك بمناسبة الاحتفال بعيد الشرطة الـ69.