زاهي حواس لـ عمرو أديب: الأهلاوية كانوا فراعنة والزملكاوية بنوا الهرم الأكبر

هنأ الدكتور زاهي حواس عالم المصريات ووزير الاَثار الأسبق، الإعلامي عمرو أديب بعد حصول نادي الزمالك على بطولة الدوري العام.

عمرو أديب: ليه الأهلاوية مش عايزين يباركوا للزمالك على الدوري

عمرو أديب: شيكابالا أيقونة نادي الزمالك بموهبته واحترامه

تهنئة زاهي حواس للزمالك

وأضاف خلال حديثه ببرنامج “الحكاية” الذي يقدمه عمرو أديب بقناة “إم بي سي مصر”: "رغم أنني أهلاوي إلا أنني أبارك للزملكاوية على الفوز بالدوري من كل قلبي".

الفراعنة والهرم الأكبر

وتابع: "قلت إن الفراعنة كانوا كلهم أهلاوية ولكن علشان عمرو أديب الزملكاوية اللى بنوا الهرم الأكبر".

وأعرب الإعلامي عمرو أديب، عن استغرابه واستيائه من عدم تهنئة مشجعي النادي الأهلي للزمالك بعد حصوله على بطولة الدوري.

تفاصيل آخر 6 ساعات في صفقة عبدالله السعيد: نفي بيراميدز وتأكيد الزمالك… حذف البيان يثير الشكوك

وقال خلال برنامج “الحكاية” المذاع على قناة “إم بي سي مصر”: "هو ليه محدش بيهنينا بالدوري ليه فيه رفض للفكرة ان الزمالك ياخد الدوري ومحدش عايز يقولنا مبروك اشمعنا احنا لما الأهلي ياخد بطولة كرة خماسية ويكسب القاضية وأفريقيا نهني النادي الأهلي انما لما الزمالك ياخد الدورى بنطلع فيه العبر ونطلع فيه مشكلة علشان منقولش له مبروك، مفيش دولة في العالم نادي واحد خد الدوري من 2014 لحد 2021، هما الأهلاوية ليه مستغربين إن الزمالك ياخد الدوري".

أحقية الزمالك بالفوز بالدوري

وتابع: "احنا اسفين أخدنا الدوري السنة دي قولوا لنا مبروك ونقلب الصفحة، انما لأ نطلع فيه العبر ويقولوا التحكيم والتفويت، واحنا عمرنا ما كنا بنفتح بقونا، ولما الأهلي يكسب الدوري بنقول مبروك وروح الفانلة الحمراء، وعايزين الحق الزمالك السنة دي أحق، الزمالك السنة دي 22 لاعيب ألماظ وموهوبين وسعرهم كلهم ميجيش ثمن 4 لاعيبة في الأهلي وملعبوش السنة دي خالص، الزمالك كان الأقوى والأفضل والأحسن والأهم أن الزمالك يلعب وهو في محنة والنادي مديون واللاعيبة مش واخده ربع مستحقاتها والمجلس مؤقت ومع ذلك اللاعيبة ابطال واخدوا الدوري قولوا لنا مبروك هو احنا مينفعش ناخد الدوري مرة، الكورة جزء من الحياة مش الحياة جزء من الكورة متكبروش الموضوع احنا بنتسلي، ان الأهلي مخدش الدوري ده مش نهاية العالم، وايه اللى اتعمل في رانيا علواني لما باركت لحازم امام بالحصول علي الدوري هو احنا في حالة حرب، انتوا مشفتوش صورة طارق حامد وهو طالع مع أفشة.. احنا اللى حاسين بمعاناة لما نشوف شكل مش لائق في احتفال التتويج بدرع الدوري".
 

إنجاز الزمالك بعد الفوز بالدوري
وأكمل: "ابطال الزمالك نزلوا كلوا الأرض وعملوا انجاز، الحالة اللي فيها تشنج إن الأهلي مخدش الدوري غريبة، كسبنا الدوري قولوا لنا مبروك بقي احنا كلنا ولاد مصر ودي بلدنا، هنونا ومتعملوش شبورة وقولوا لنا مبروك بنفس صافية والسنة الجاية تاخدوا انتوا الدوري".