صفوت غطاس: خصمت 100 جنيه من أجر رامز جلال في "الرجل الآخر" لهذا السبب | فيديو
كشف المنتج صفوت غطاس عن كواليس مشاركة الفنان رامز جلال في مسلسل "الرجل الآخر" بطولة الفنان الراحل نور الشريف.
وقال "غطاس" خلال لقائه ببرنامج "صباح الورد" عبر قناة Ten": "رامز جلال طلب مني 10 آلاف جنيه، وبعدها بشوية جالي تليفون من سميرة أحمد بتقولي اديله العشرة آلاف جنيه، وقولتله أنا بايع المسلسل بنور الشريف وميرفت أمين ووافقت ومضيتله العقد".
رامز جلال
وأَضاف: "أنا عندي نظام إن كل يوم الصبح لازم يجيلي الحوافز بتاعت المصروفات اللي حصلت قبلها بيوم عشان أراجعها، ففي مرة براجعها لقيت في 100 جنيه قيمة مفرش وكانوا بيصورو في كازينو".
خصم 100 جنيه من أجر رامز جلال
وتابع: "فندهت لمدير الإنتاج قولتله أنتم مش دافعين إيجار للكازينو اللي بتصوروا فيه قالي آه.. قولتله الكازينو مفيهوش مفارش، قالي لا، بس رامز جلال مكنش حافظ المشهد، فهو قاعد كتب الحوار على المفرش فالمفرش باظ، فقولتلهم اخصموهم من عليه".
