خالد النبوي: أمي الشيء اللى مفتقده في العيد.. وطومان باي أحلى حدوتة قرأتها

استعاد الفنان خالد النبوي، ذكريات العيد خلال فترة الطفولة، قائلا:"أمي الشيء الوحيد اللى مفتقده في العيد ومش عارف أنسي صوتها وكانت هتبقي فرحانة بابني نور ونجاحه في التمثيل خلال مسلسل الإختيار 2".

وأضاف:"أمي جزء كبير من تكويني شوفت عندها الحكمة وشوفت عند أبويا الجرأة".

وتابع خلال لقائه ببرنامج "مساء دي ام سي" الذي يقدمه الإعلامي رامي رضوان بقناة "دي ام سي":"العيدية كان شيء مقدس بالنسبة لي في الطفولة وكان بمثابة الحنان كله وكنا نروح لجدتي وناخد منها
العيدية  ونلف على العائلة كلها في المنصورة".


واستطرد:" كنت أحب بعد لما أخد العيدية انزل مع خالي أحب أطير طيارة ورق ولو فيه فيلم نتفرج عليه".


ولفت:"دلوقتي بقضي العيد مفتقد الهدوم الجديدة في العيد، بجيب هدوم طول السنة والعيد ملهوش طعم من غير الهدوم الجديدة، ولبس العيد كنت بحضنه وأنا طفل وأنام بيه في حضني لحد لما أصحي وأصلي العيد".


وعن  طقوس الأضحية قال:"مبعرفش أذبح ولكن بهندم الجريمة من بعيد، ومجرتبش أذبح".


وفي نفس اللقاء قال "النبوي":"كنت بحلم بتجسيد شخصية "طومان باي" كونه فارس حقيقي وحدوته ممكن تكون أحلى حدوتة قرأتها في حياتي، ولقيته فارس دفع حياته ثمن في سبيل فكرة عظيمة إنه ميديش شرعية للمحتل وقال ازاي اعطي لمحتل كرسي حكم مصر وهو قاعد في أعالي تركيبا..طومان باي ترك وراءه اثرا طيبا وكبيرا، ومفيش شرعية لمحتل".