أغرب عرض زواج في مصر.. مطلوب عريس لفتاتين والشقة والسيارة والمشروع هدية

قدمت فتاتان، أبناء عم، أغرب عرض زواج في مصر، حيث طلبت الفتاتان "عريسا" واحدا مشتركا لهما، وقدمتا كل التيسيرات لإتمام الزواج، ومنها الشقة 6 غرف، وسيارة وأيضًا مشروع خاص، بشرط أن يكون بدون عائلة "مقطوع من شجرة"، والمطلوب من "العريس" المودة والرحمة فقط، بحسب اشتراطات الفتاتين.

وكتبت الفتاتان عرض زواجهما الغريب عبر جروب "اعترافات" فقالا: "مطلوب عريس سن 30 لـ 35 . مقيم في القاهرة ويا ريت مقطوع من شجرة لعروستين ولاد عم وأصحاب واحدة 28 وواحدة 30 سنة. آنسات لم يسبق لهما الجواز. متوفر سكن شيك وعربية وحديثة وتم تجهيز شقة 6 غرف بها 2 غرفة نوم لكل واحدة منفصلة. مش مطلوب منه غير المودة والرحمة ويكون على خلق وما يطمعش في أي فلوس نملكها. هنساعده يفتح مشروع ونشتغل معاه ونكبر احنا الـ 3 سوا". 

شروط الزواج

أما الشروط المطلوبة فكانت: "شرط مقطوع من شجرة لأن دخلنا تجربة خطوبة ولقينا أهله متحكمين في كل تفاصيل حياته وده مش مسموح به...". 
 
وتفاعل نشطاء مواقع التواصل الاجتماعي مع عرض الزواج الغريب، فقال حساب لست وحدى الله معي: "إزاي بتدوروا على المودة والرحمة ويكون مقطوع من شجرة. المودة والرحمة هي صلة الرحم. وبعدين إزاي تكتبوا الموصفات دي وعاوزين يكون مش طماع.. دا كده في طمع. بعد كده فكري فالكلام قبل ما تكتبي وكل إنسان نصيبه هييجي هييجي". 

إشعال ذاتي

وقالت سمر عبد النبي: "مش عاوزينه إشعال ذاتي وبينور في الضلمة.. ده أنتو نسيتو تقولوا العصمة في إيديكم والضمان كام سنة". 


وقال محمد عبد العال: "هو أنتو ماشيين بمبدأ اشتري واحدة تاخد واحدة هدية.. طيب وماله سن العشرين يعني مثلا ٢٤ _ ٢٥ هو لازم قصة مقطوع من شجرة دي ما نبدلها بأي حاجة تاني طيب". 

تأثير الأصدقاء

واضاف سام يوستوس "ممكن يكون يتيم إنما مقطوع من شجرة يعني ولا أب أو أم أو عم أو خال أو عمة أو خالة أو أبناء عمومة صعب وللعلم تأثير الأصدقاء أشد ضرراً من العائلة فماذا أنتم فاعلون حيال الأصدقاء؟ اتبنوا طفل من ملجأ وربوه علي إيديكم وبطريقتهم سيكون أفضل". 

وقالت دعاء محمد: "هو الواحد صايم ومش قادر يتكلم بس ربنا يهديكم يا بنتي وإيه الرضا ده هتجوزوا واحد أنتم الاتنين مفيش أي شعور خالص ده القطط بتغير على بعض".

وأضاف مصطفى مختار: "طيب مش محتاجة معاه ضمان".