نيللي كريم: محمد رمضان كان خجول وبيتكسف دلوقتى مهووس بالتريند| فيديو
شخصية محمد رمضان قبل النجومية
وقالت نيللي كريم:"قابلت محمد رمضان في مهرجان دبي السينمائي الدولي منذ فترة بعيدة وكان هو لسه في البداية وشارك بعمل سينمائي مهم بطولته وشقيقة روبي كوكي، والفيلم كان حلو جدا وبعد العرض روحت وباركت له واتأثرت بتمثيله ووقتها كان شاب خجول ومكسوف أوي وشوفته بشكل مختلف فلما بدأ ينجح ويشق طريقه فرحت لأنه جاء بعد تعب بالنسبة له".
هوس السوشيال ميديا والتريند
وتابعت:"تصرفات محمد رمضان هو المسئول عنها ولن أعلق لأنه لسه موزنش نفسه وفيه حاجات مش موافقة عليها وبقوله بلاش يا محمد متعملش كده ويمكن هو من ضمن الناس اللى بقت مهووسة بالسوشيال ميديا والتريند"
نيللي كريم
وكشفت الفنانة نيللي كريم، خلال نفس اللقاء، حقيقة عرض ثري عربي الزواج بها.
عروض الزواج
وأكدت أنها تلقت العديد من عروض الزواج لكنها لا ترغب في الإرتباط من أي شخص إلا اذا كانت تبادله نفس مشاعر الحب.
مواصفات فتى الأحلام
وعن مواصفات الرجل الذي ترغب في الزواج منه، علقت: "مش موجودة.. مفيش راجل عنده كلمة والرجولة مواقف ووعد وتصرفات، وفيه كلام رجالة وفيه رجالة أي كلام".
مشاهد الإثارة والقبلات
وعن خوفها تقديم مشاهد الإثارة والقبلات، أوضحت:"محدش عرض عليا بوسة والإسكريبت مفيهوش مش هجيبها من عندي".
وتابعت: "أنا مع الدراما والحاجة الحلوة والمخدومة ولو مشهد ملهوش لازمة ميتحطش".
