نيللي كريم: لست رافضة لمشاهد الإثارة والقبلات.. وهذه حقيقة زواجي من ثري عربي

كشفت الفنانة نيللي كريم، للمخرجة ايناس الدغيدي بقناة "شيخ الحارة والجريئة" المذاع علي قناة "القاهرة والناس" حقيقة عرض ثري عربي الزواج بها.

عروض الزواج

وأكدت أنها تلقت العديد من عروض الزواج لكنها لا ترغب في الإرتباط من أي شخص إلا اذا كانت تبادله نفس مشاعر الحب.

مواصفات فتى الأحلام
وعن مواصفات الرجل الذي ترغب في الزواج منه، علقت: "مش موجودة.. مفيش راجل عنده كلمة والرجولة مواقف ووعد وتصرفات، وفيه كلام رجالة وفيه رجالة أي كلام".


مشاهد الإثارة والقبلات

وعن خوفها تقديم مشاهد الإثارة والقبلات، أوضحت:"محدش عرض عليا بوسة والإسكريبت مفيهوش  مش هجيبها من عندي".

وتابعت: "أنا مع الدراما والحاجة الحلوة والمخدومة ولو مشهد ملهوش لازمة ميتحطش".

نيللي كريم

وكشفت الفنانة نيللي كريم في نفس اللقاء عن مفاجأة في أول زيجاتها قائلة :"أول جوازة ليا كانت من ورا أهلى وكان عندي وقتها  17 سنة ولو بنتى عملت كده هقتلها".

خطأ الزيجة الأولي

وتابعت: "بالرغم من إنى كنت غلطانة في الزواج بدون علم أهلي إلا إنى مش ندمانة لأنى اتجوزت وخلفت أحلى ولدين في الدنيا كريم ويوسف وربنا يخليهم ليا".

رفض الأهل الزواج

وأضافت: "أهلى رفضوا أتجوز علشان انا كنت صغيرة، ومهربتش، علشان كده اتجوزت من وراهم لأن أبويا كانت توفى واخويا مكنش هيوافق وأمي كانت رافضة، روحت اتجوزت من وراهم وبعدين روحت قلت لأخويا وكان غضبان جدا".

حادثة الاسكندرية

وأكملت: "لما قلت لأخويا كان سايق العربية وكنا راجعين من اسكندرية فكان رد فعله: أنا هقلت جوزك ده، فقلت له مش هيحصل، وأخدت دركسيون العربية وقلبلتها وعملنا حادثة والعربية اتقلبت 8 مرات في الرمل وكنا الساعة 12 بالليل، وقتها أخويا اتخض وانا اتخضيت من رد فعلي ولكن انا جريئة".