بوسي شلبي: علقة موت من أمي لإلهام شاهين وزوجها عادل حسني لهذا السبب | فيديو

كشفت الإعلامية بوسي شلبي، تفاصيل علقة الموت التي تلقتها الفنانة إلهام شاهين وطليقها الدكتور عادل حسني، من والدتها.

بداية المشكلة

وأضافت خلال لقائها ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "الواقعة قديمة وكانت قبل ما اتعرف وأبقى مذيعة، وأمي كانت على طول بتحط الشبشب أبو وردة على الباب، وكنت دايما أتضرب منها لأن كان لازم أرجع البيت الساعة 10.. وكل لما أرجع متأخرة الشبشب أبو وردة يشتغل عليا وأتضرب علقة موت".

عطل مركب النيل

وأشارت: "في مرة كنت خارجة مع إلهام شاهين وعادل حسني وكانوا متجوزين في مركب بالنيل.. وكنت المفترض أرجع البيت 10، ولكن المركب عطلت بعد ما مشيت في وسط النيل.. وبقيت أعيط وألطم وعايزة أرمي نفسي في النيل وإلهام تشد فيا وتهديني".



علقة ساخنة

وتابع: "طلعت إلهام شاهين وزوجها عادل حسني فوق لماما الأول خوفا من ضربها ليا، وفجأة لقيت الشبشب نزل على عادل وبعدين دخلت على إلهام شاهين وبعدين جابتني أنا من شعري وكملت عليا، بس إلهام وجوزها كلوا علقة يومها ما يحلموش بيها".

وفاجأت الإعلامية بوسي شلبي في نفس اللقاء، المخرجة إيناس الدغيدي، بسؤال غير متوقع على الهواء خلال برنامج "شيخ الحارة والجريئة" المذاع على  قناة "القاهرة والناس".

زواج محمود عبد العزيز

ووجهت بوسي شلبي، سؤالا مفاجئًا للمخرجة إيناس الدغيدي، قائلة: "جوزي كان عايز يتجوزك وطلب إيدك زمان؟".

دور نجلاء فتحي

وردت إيناس الدغيدي على سؤال بوسي شلبي، مؤكدة: "ما طلبنيش رسمي لكن نجلاء فتحي كانت عايزة تجوزهولي ووقتها كنا عيال صغيرين وأنا ندمت إنى ما اتجوزتهوش"، لتعلق بوسي: "يعني أنتِ ضرتي من دلوقتي يا إيناس".


ندم لعدم الزواج

وعقبت إيناس الدغيدي: "ياريتني كنت اتجوزت محمود عبد العزيز واحنا ماكناش قريبين يا بوسي من بعض وهو اللي قربنا".