بوسي شلبي لـ إيناس الدغيدي: جوزي كان عايز يتجوزك.. ورد فعل غريب من المخرجة

فاجأت الإعلامية بوسي شلبي، المخرجة إيناس الدغيدي، بسؤال غير متوقع على الهواء خلال برنامج "شيخ الحارة والجريئة" المذاع على  قناة "القاهرة والناس".

زواج محمود عبد العزيز

ووجهت بوسي شلبي، سؤالًا مفاجئًا للمخرجة إيناس الدغيدي، قائلة: "جوزي كان عايز يتجوزك وطلب إيدك زمان؟".

دور نجلاء فتحي

وردت إيناس الدغيدي على سؤال بوسي شلبي، مؤكدة: "ما طلبنيش رسمي لكن نجلاء فتحي كانت عايزة تجوزهولي ووقتها كنا عيال صغيرين وأنا ندمت إنى ما اتجوزتهوش" لتعلق بوسي: "يعني أنتِ ضرتي من دلوقتي يا إيناس".



ندم عدم الزواج


وعقبت إيناس الدغيدي: "يارتني كنت اتجوزت محمود عبد العزيز واحنا مكناش قريبين يا بوسي من بعض وهو اللي قربنا".

وكشفت الإعلامية بوسي شلبي خلال نفس اللقاء، كواليس تعرضها لموقف محرج من الفنان الراحل عمر الشريف على الهواء.

توصية يوسف شاهين


وأوضحت: "الفنان عمر الشريف كان في مهرجان فينسيا وبيتعرض له فيلم "المسافر" وحضرت المهرجان بتوصية من يوسف شاهين لدى رئيس المهرجان".

شتائم عمر الشريف


وأضافت: "وضعت الكاميرا تحت عمر الشريف علشان اخد التصفيق والتتويج للفن المصري ولما النور ولع لقيت عمر الشريف نازل شتيمة في فريق عملي كله لأنه معجبهوش الفيلم وشتم الممثلين في الفيلم كله، لدرجة أن السفير المصري هناك قال له المعلومة وصلت يا فندم خلاص والمشكلة أن الشتايم كلها كانت لايف فروحت حاضنة الكاميرا وأخدتها وطلعت بيها برا".