رئيس التحرير
عصام كامل
Advertisements
Advertisements
Advertisements

كهربا لـ مدحت شلبي: فين الدفاتر القديمة؟.. ربنا يهديك

كهربا
كهربا
رد محمود عبد المنعم كهربا لاعب النادي الأعلي علي هجوم الإعلامي  الرياضي مدحت شلبي عليه وتهديده بإظهار دفاتره القديمة.


رسالة لـ مدحت شلبي
وقال "كهربا" خلال الجزء الثاني من لقائه ببرنامج "العرافة" المذاع علي قناة "المحور":أنا مش شايفه ولا هشوفه وبالنسبة لي مش إعلامي كبير ولا حاجة.. ودفاتر قديمة إيه اللى هددني بيها ومش عايز أديله أهمية ولكن بقوله ربنا يهديك".

كهربا
وقال محمود عبد المنعم كهربا لاعب النادي الأهلي في الجزء الأول من اللقاء، إنه بعد انضمامه للقلعة الحمراء تغيرت شخصيته للأفضل.

إنسان جديد
وتابع:"كهربا القديم مش موجود واتولدت من جديد في الأهلي وأنا ابن النهارده واللى فات مات ومفيش مشكلات تاني".

الرحيل عن الأهلي
وعلق "كهربا" علي انتقاد الإعلامي مهيب عبد الهادي له، قائلًا:"
يعرف منين الأهلي صبر عليا ولا مصبرش وكل معلوماته كدب، ومبكلمهوش ولا هكلمه تاني، ولا صحة لما تردد عن نية النادي الأهلي في بيعي نهاية الموسم، وأمير توفيق لا يبحث لي عن عرض خارجي".

نقد إبراهيم سعيد
ورد "كهربا" علي انتقاد ابراهيم سعيد، قائلًا:"مش هرد علي انتقاد وسخرية ابراهيم سعيد ليا لأنه بعيد عن الكرة وبتجنب آراءه ومبحبش اتفرج عليه".

نهاية المسيرة
وأكد:"زعلت جدا علي صالح جمعة لما مشي من الأهلي ومش خايف من مصيره وهو ممكن يرجع الأهلي تاني.. انا هختم مسرتي في النادي الأهلي حتي سن الـ37  وعمرى ما أرجع الزمالك ولو الأهلي مشاني هخرج العب برا مصر".

كهربا
وكشف محمود عبد المنعم كهربا لاعب النادي الأهلي في الجزء الأول من نفس اللقاء، حقيقة غيرته من لاعب نادي بيراميدز رمضان صبحي.


غيرة رمضان صبحي


وأضاف خلال لقائه ببرنامج "العرافة" المذاع علي قناة "المحور":"عمري في حياتي مغرتش من حد ولا غِرت من رمضان صبحي وتي شيرت رقم 7 مش بتاعه وعلشان كده حصلت عليه لأنه كان مشي من النادي".


مستقبل الأهلي


وأكد "كهربا":"انا مستقبل الأهلي والجمهور ومش هطلع من النادي اصلا لحد اخر يوم، ولو حد سأل اللاعيبة كلهم هيقولوا انى اكتر واحد قريب منهم، ولو النادي مش عايزني انا قاعد في الأهلي".


وكشف محمود عبد المنعم كهربا لاعب النادي الأهلي ومنتخب مصر في نفس اللقاء، كواليس رحيله عن نادي الزمالك.


الرحيل عن الزمالك

وأضاف: "اتكلمت مع إدارة الزمالك علشان تجديد العقد فعرضوا عليا 12 مليون جنيه فطلبت 20 فرفضوا وكان ردهم: انت بتبص لزمايلك ليه؟".


دعم خزينة الزمالك


وتابع: "إدارة نادي الزمالك تناست انى دخلت للنادي 84 مليون جنيه في عامين خلال إعارتي لاتحاد جدة في وقت مكنش في النادي فلوس".

Advertisements
الجريدة الرسمية