كهربا: لو الأهلي مش عايزني أنا قاعد في النادي.. ومش رمضان صبحي اللي أغير منه

كشف محمود عبد المنعم كهربا لاعب النادي الأهلي، حقيقة غيرته من لاعب نادي بيراميدز رمضان صبحي.


غيرة رمضان صبحي


وأضاف خلال لقائه ببرنامج "العرافة" المذاع علي قناة "المحور":"عمري في حياتي مغرتش من حد ولا غِرت من رمضان صبحي وتي شيرت رقم 7 مش بتاعه وعلشان كده حصلت عليه لأنه كان مشي من النادي".


مستقبل الأهلي


وأكد "كهربا":"انا مستقبل الأهلي والجمهور ومش هطلع من النادي اصلا لحد اخر يوم، ولو حد سأل اللاعيبة كلهم هيقولوا انى اكتر واحد قريب منهم، ولو النادي مش عايزني انا قاعد في الأهلي".


وكشف محمود عبد المنعم كهربا لاعب النادي الأهلي ومنتخب مصر في نفس اللقاء، كواليس رحيله عن نادي الزمالك.


الرحيل عن الزمالك


وأضاف: "اتكلمت مع إدارة الزمالك علشان تجديد العقد فعرضوا عليا 12 مليون جنيه فطلبت 20 فرفضوا وكان ردهم: انت بتبص لزمايلك ليه؟"


دعم خزينة الزمالك


وتابع: "إدارة نادي الزمالك تناست انى دخلت للنادي 84 مليون جنيه في عامين خلال إعارتي لاتحاد جدة في وقت مكنش في النادي فلوس".


وكشف محمود عبد المنعم كهربا لاعب النادي الأهلي في نفس اللقاء، حقيقة مشاجرته مع ابن رجل أعمال شهير خلال السهر بديسكو ملحق بأحد فنادق القاهرة الشهيرة.


كواليس المشاجرة

وأوضح "كهربا" خلال لقائه ببرنامج "العرافة" المذاع على قناة "المحور": "أنا مبسهرش في ديسكوهات ومحصلش مشكلة مع حد، كنت في مطعم هندي واتعشيت وأنا خارج ماشي فوجئت بمشاجرة في الخارج وحاولت فض الاشتباك بين أطرافها".



نادي المبادئ

وتابع: "لم أعتد السهر في ديسكوهات على الإطلاق وأحترم أنني في نادي المبادئ والقيم".