«كان هيضيع مستقلبي».. أحمد بلال يكشف تفاصيل مشاجرته مع حسام البدري |فيديو

كشف الكابتن أحمد بلال نجم نادي الأهلي السابق، تفاصيل مشاجرته مع المدير الفني لمنتخب مصر حسام البدري، عندما كان مدربا للأحمر.


وأضاف خلال برنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس"، قائلًا:"كنت كابتن للنادي الأهلي وقت تدريب حسام البدري للفريق ووقتها كنت جليس الدكة وكل مرة يقولى هتلعب الماتش الجاي وعدا أكتر من 3 ماتش ولم ينفذ وعده ليا، وهو ما أصبني بالغضب والضيق فروحت له أوضة اللبس ومسكت دراعه وقلت له: انت ليه مبتلعبنيش.. فيه بينك وبيني حاجه، وفيه حاجة جواك ناحيتي مش مظبوطة وطلعها علشان أقدر أكمل معاك، ووقتها سبني ومشي، فنديت عليه وقلت له أرجوك رد عليا لأن أنا مش هينفع أكمل معاك كده، وقتها قاللى ربنا يسهل".


قمة الغضب


وتابع:"كنت في فترة تدريب حسام البدري للأهلي في قمة غضبي وكان عندي إحساس إن الراجل ده كان هيضيع مستقلبي".

ضريبة الخلاف مع حسام البدري


وأشار: "ناشدت مدير الكرة وقتها هادي خشبة وقلت له كلم حسام البدري علشان أنا وصلت لآخري، وتاني يوم فوجئت به عملى خصم 100 ألف جنيه، فروحتله وقلت له انت فيك حاجه في قلبك ضدي، وتاني يوم مشيت من النادي الأهلي".





التألق مع سموحة


ولفت: "لما سيبت النادي الأهلي روحت سموحة ومنه انضميت لمنتخب مصر لأنى كنت وقتها جايب 9 اهداف".


وقال الكابتن أحمد بلال نجم النادي الأهلي ومنتخب مصر السابق في نفس اللقاء:"مفيش نفسنة خالص من مصطفى محمد لاعب جالطة سراي لأني بطلت كورة وهو بيلعب ولكن جمهور الزمالك عمل حوار من لا حوار ولمجرد إنى قلت إنه بحاجة لتطوير نفسه القيامة قامت.. أمال لو كنت قلت مبيعرفش يلعب كان حصل إيه عليا؟".


تحفيز مصطفى محمد


وتابع:"لولايا مكنش مصطفى محمد كسر الدنيا، لأنى قعدت أحفزه علشان يطور من نفسه ".


نفسنة مصطفى محمد


وأكمل: "أنا هنفسن على مصطفى محمد ليه؟ أنا عملت تاريخ كبير، ولكن هجوم جماهير الزمالك عليا علشان أنا أهلاوي ولو أنا زملكاوي كانوا صقفولي".