أحمد بلال عن مصطفى محمد: لولايا ماكانش كسر الدنيا |فيديو

تحفيز مصطفى محمد
وتابع خلال لقائه ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"لولايات مكنش مصطفى محمد كسر الدنيا، لأنى قعدت أحفزه علشان يطور من نفسه ".


نفسنة مصطفى محمد
وأكمل:"أنا هنفسن علي مصطفى محمد ليه؟ انا عملت تاريخ كبير، ولكن هجوم جماهير الزمالك عليا علشان أنا أهلاوي ولو انا زملكاوي كانوا صقفولي ".

كان الكابتن أحمد بلال، نجم نادي الأهلي السابق صرح بالأمس لنفس البرنامج: "أكتر موقف محرج حصلي قبل كده كان مع حسام البدري في نهائي كأس مصر وكنا خلاص هنلعب ضربات ترجيح وقعدت 45 دقيقة على الخط بسخن والحكم صفّر ومنزلتش الملعب، وده كان أسوأ موقف حصلي في حياتي".

موقف صعب مع ميدو
وكشف عن سر أخفاه ولم يعلنه حتى الآن: "كنا بنلعب بطولة كأس أفريقيا 2004 وكنت بلعب أساسي بالمنتخب مع الكابتن محسن صالح وكان معايا أحمد حسام ميدو وكان أمامنا مباراة فاصلة أمام الكاميرون وليس أمامنا خيار سوى الفوز حتى لا نودع البطولة، وفوجئت بميدو يجلس مع محسن صالح وقاله: أنا مش عايز أحمد بلال يلعب جنبي، ودي كانت مأساة في حياتي ومشواري في الكورة".

بلوك السوشيال ميديا
وتابع: "عايز أعمل بلوك على السوشيال ميديا لكل المذيعين اللي ملهومش في الكورة".

تعليق محمود بكر
وأكمل: "أوحش تعليق سمعته عن نفسي كان للكابتن محمود بكر لما قال عليا في ماتش: إنى أناني وأناني جدًا، وقتها اتضايقت جدًا وبقيت أناني وبزيادة".

صورة جماهير الزمالك
وتابع: "الزملكاوية واخدين عني صورة أني بكرههم وحاقد على مصطفى محمد ودي مش حقيقي، وفيه صورة متاخدة عن لاعيبة الكورة أنهم بتوع حريم".