نادية الجندي: نفرتيتي الأقرب لشخصيتي.. ومحرومة من حاجات كتير

قالت الفنانة نادية الجندي: إن الكوبرا لا تليق مع شخصيتها ولكنها تعتز بشخصية نفرتيتي وتراها الأقرب لها.

وتابعت نادية الجندي خلال لقائها مع الدمية الشهيرة أبلة فاهيتا ببرنامج "لايف من الدوبلكس" المذاع على قناة "أون إي": "حريصة دومًا على رشاقتي وجمالي لأنى لازم أكون في الفورمة ويكون جسمي حلو وألعب رياضة وأحافظ على لياقتي البدنية، ومدخنش سجاير والنوم بدري، ومحرومة من الحلويات والجاتوه علشان ده جزء من شغلي خاصة الخاص بأدوار الأكشن".

وأكملت: "قدمت الكوميديا في دراما رمضان الماضي مع نبيلة عبيد علشان نضحك الناس في ظل كورونا".

وعن حقيقة الخلافات مع الفنانة نبيلة عبيد، علقت نادية الجندية: "كلام جرايد هي في حتة وأنا في حتة تانية".