يسقط عصير الليمون

"يسقط عصير الليمون، اللى خلى الناس فى مصر مش عارف مين فط ونط وركب الثورة.. لا.. والأدهى والأغرب على حد قول محرر وكالة هريدى نيوز أنهم فاهمين أنهم فاهمين وطلعوا فى الآخر مش فاهمين إن الشعب كله لبس كباية عصير الليمون لحد ما سموا نفسهم حزب العصير ودا حزب مناوئ لحزب الكنبة أكيد من غير فكاكة ولا مفهومية ، إيه سبب الكلام ده يقول محرر هريدى نيوز إن حركة 6 إبريل الجبهة الديمقراطية اللى هى مخترعة عصير الليمون، مطلعين بيان يرفضوا فيه قانون الانتخابات الجديد، واعتبروه مفصلا عند ترزى الإخوان علشان يقعدوا فى السلطة ، هو أنت يا ننوس عينى مش عارف ده قبل ما تفتح محل العصير بتاعك ولا إيه ، وقال إيه كمان دا قانون مفروض على القوى الوطنية دون الاستماع لرأى أى شخص خارج الجماعة ، وبالضبط بالضبط زى قوانين مبارك فيها إقصاء القوى الوطنية ، وزغرتى ياللى ما انتيش غرمانة.