فين النهضة؟!
محرر هريدى نيوز زيه زى كل المصريين المسلمين، "اتوضى فى بيته واتعطر وخرج لصلاة الجمعة فى المسجد الأحمدى فى طنطا، طلع الشيخ ربيع لاشين إمام وخطيب يلقى خطبة الجمعة وفجأة اتحجرت عيون المحرر على حد قوله ليه بئا.. سمع الشيخ بيقول لا يمكن أن نقوم بنهضة وإصلاح، ونجد من يحارب الله عز وجل، محذراً من الذين وصفهم بمحاربى الله وشريعته ، وشم من كلام الشيخ أ نه يقصد التيارات المدنية اللى مش مع الإسلام السياسى ، فكتب سؤالا وأرسله للوكالة فين هى النهضة علشان ما الشعب ده يخرس خالص وما يتكلمش، وظن محررنا أن النهضة قد تكون فى الفلات بتاع "إخوان مكى " فى الساحل الشمالى أو محلات البقالة بتاعة "الشاطر" أو يمكن تكون فى القرى السياحية اللى اشتراها "مالك " ، المحرر من نرفزته ارتفع صوته فين هى النهضة، رد عليه واحد جنبه وقاله طايب فين هى الثورة ؟!!.
