كابتن ماجد يكتب: مش بالفلوووووس

كرة القدم عبارة عن "لعب وفن وهندسة".. المكسب فيها عمره ما بييجى بالفلوس أبدا خالص مالص.. المكسب وحصد البطولات فى كرة القدم ييجى بالهندسة اللى بترسم فين تتحط الفلوس وإمتى نرمى الفلوس وبكام نشترى مين.. والمكسب فى كرة القدم بييجى برضو باللعب الجاد الرجولى الجميل.. والمكسب بييجى برضو بالفن اللى بيظهر فى فكر المدرب ومهارة اللاعبين

يعنى لو أنفقت الفلوس على اللعب والفن والهندسة, ساعتها ممكن تكون فريق كبير وهتحقق بطولات, وهذا ما تفعله اندية العالم الكبرى مثل ريال مدريد أو برشلونة او ليفربول عندما ينفقون المليارات على اللعيبة والمدربين.

وهذا أيضا ما لم يفعله نادى بيراميدز المصرى الذى ينطبق عليه المثل الشعبى الذى يقول "هبله ومسكوها طبله".. فالفلوس التى أنفقها إنبى كانت كفيلة ان تجعل نادى مثل نادى أسوان بطلا للدورى هذا الموسم.. فأسوان باع أمهر لاعبيه كى يستطيع أن ينفق على الموسم الجديد.. وبرغم الحاجه بدأ الموسم بفوز كبير على فريق إنبى العنيد.

بعكس بيراميدز الذى أنفق الكثير واشترى لاعبين مهرة بمبالغ كبيرة فقط ليخرج لسانه للفرق الكبرى ولكى يبدأ الموسم بخسارة من الاتحاد السكندرى الفقير الذى لا يعتمد سوى على اللعب والفن والهندسة

وفى النهاية أنا عايز أقول لكم إن المكسب فى كرة القدم مش بييجى بالفلوس.. مش بالفلوووووووووس.