بوسي: عشت 3 أيام سودة في بيروت.. ومستعدة أعيش في بلدي بشحت |فيديو

كشفت المطربة الشعبية بوسى عن أصعب الأيام التى مرت عليها فى لبنان بعد هروبها من مصر بعد أزمة انفصالها.

وتابعت خلال لقائها ببرنامج "معكم" الذى تقدمه الإعلامية منى الشاذلى بقناة "سى بى سي": "مر عليا 3 أيام كانوا أسود 3 أيام فى حياتى تعبت وانا تعبى وحش وملقتش حد جنبى واختى كانت بتبكى بدل الدموع دم لأنها مكنتش عارفة تعمل ليا إيه". 



وأردفت: "عندى استعداد أعيش فى بلدى بشحت ولا اعيش فى أي بلد تانية.. مبرتحش فى أي بلد تانية "، لافتة إلى أنها لم تخبر شقيقتها أو أحد من أصدقائها بعودتها إلى مصر، وعندما وصلت إلى المنزل فوجئت بها أمامها وجمعهما عناق حار بعد عودتها من الغربة، معقبة: "ابنى نط نطة غريبة وقفش فيا كأنه بقاله سنين طويلة مشفنيش".

واستطردت: "بعد عودتى لمصر معنديش استعداد اخرج من البيت أهم حاجة أكون جنب اختى وابنى ولا عايزة اشوف حد ولا حد يشوفنى.. اللى مريت بيه بعد مشكلة الشيكات مفيش راجل بشنبات يتحمله ولا الماَسى اللى واجهتنى ولكن الحمد لله من صغرى وانا قوية ومفيش حاجة بتأثر فيا أو تكسرني" .