بوسي تكشف سر هروبها من مصر بعد أزمة انفصالها | فيديو

قالت المطربة بوسى، إنها تحمد الله على المصائب والمشكلات التى واجهتها خلال الفترة الماضية، مضيفة: "قربت من ربنا جامد الفترة الأخيرة.. قلت ربنا عمل كده علشان يقربنى منه لأنى كنت بعيدة عنه بسبب الشغل والحياة ".

وأضافت خلال لقائها ببرنامج "معكم" الذى تقدمه الإعلامية منى الشاذلى بقناة "سى بى سي" أنه قررت مغادرة مصر والابتعاد عنها لمدة 10 سنوات، معقبة: "جاء عليا عيد أم ومكنتش جنب ابنى، وجاء عيد ميلاد ابنى مكنتش جنبه، وأول رمضان يمر عليا فى حياتى مكنش جنب ابنى وأختى ومفيش حد بيسأل عنهم، ابنى اتصل بيا وقاللى انتى فين وكنت بقوله أنا فى شغل".

وتابعت: "كنت فى اختبار من عند ربنا.. الـ10 شهور اللى سافرت فيهم خارج مصر عرفتنى مين معايا ومين مش معايا، أول الناس اللى تخلوا عنى وعن ابنيى ياسين هما أهلي، ومحدش من أهلي ولا أصحابى سألوا عنى وعلى ابنى فى غربتي".

وأكملت: "اللى كنت منتظره يسألوا عن ابنى الغلبان اللى ملهوش حد فى الدنيا غيرى ملقتهمش وفجأة لقيت نفسى لوحدى فى الدنيا.. ربنا كشف ليا حاجات كتير مكنتش شيفاها بسبب ظروف الحياة ". 


وأكدت المطربة بوسى، أن مشكلة الشيكات الخاصة بطليقها تسببت فى توقف عملها الغنائى وهروبها إلى الخارج وبالتحديد لبنان، معقبة: "المشكلة كان لها اثر على توقفى عن الشغل وسفرى خارج مصر".

وأضافت: أنها أنهت مشكلة الشيكات قانونيًا، لافتة إلى أنها عادت إلى مصر بعدما أتيحت لها فرصة عودة الطيران عقب جائحة كورونا.

وتابعت: "شنطى مقفولة من ساعة وصولى بيروت، علشان مكنتش عايزة حاجة تعطلنى لو أتيحت ليا فرصة العودة لمصر.. قعدتى فى وسط عيالى بالدنيا كلها حتى لو مفيش شغل".