مناقشة كتاب "الهيلثى" لنورهان قنديل بملتقى الساقية للكتاب

نظم ملتقى الساقية للكتاب 2020 ، أمس الإثنين، لقاء مع الدكتورة نورهان قنديل خبيرة التغذية العلاجية والصحية، لتقدم وتناقش كتاب "الهيلثي" الصادر عن دار دون في يناير الماضي، ولتعرض بعض النصائح الطبية، ويأتي ذلك ضمن فعاليات الملتقى الثقافية. 

وقالت "قنديل" عن الكتاب: "الكتاب ده مش عن التخسيس لكن هيساعدك تخس لو حابب تعمل كدا، هو مش كتاب دايت لكن هياخد بإيدك ويحكيلك فلسفة الدايت وفكرته وإزاي بيشتغل عشان تقدر تتعامل مع جسمك".

وأضافت: "الكتاب ده مش عن الأكل الصحي لكنه عن الحياة الصحية السليمة الجميلة، مش هتلاقي فيه نصايح، لكن بعد ما تقرأه هتلاقي نفسك لوحدك بتعرف تحسب وتفهم كل حاجة بتعملها مع جسمك وكل أكل بتاكله وكل نفس بتتنفسه إزاي يكون نافع وفي صالحك".

وتابعت:"كتاب بسيط سهل فيه معرفة مهمة وحكايات ملهمة هتسهل عليك تعيش مبسوط من غير ما تتعب نفسك بوصفات وأنظمة وأدوية.. كتاب مناسب لكل حد حابب يعيش حياة متوازنة ويتبسط ويبسط اللي حواليه".

يذكر أن الملتقى السنوي للكتاب بـ ساقية الصاوي يضم هذا العام عددًا من الفعاليات الثقافية من بينها مشاركة العديد من الكُتّاب والإعلاميين للقاء قرائهم ومتابعيهم، وكذلك عقد مجموعة من الندوات والجلسات النقاشية الثقافية والأدبية، وتقديم ورش عمل متنوعة، كما يتضمن المعرض أكثر من فعالية فنية غنائية وشعرية.