اعترافات المتهم الرئيسي في واقعة "منة عبدالعزيز": أقمت معها علاقة بالإكراه ومكنتش بنت.. السهرة بدأت بفرفشة وقلبت بخناقة
أثارت فيديوهات منة عبدالعزيز فتاة التيك توك التي ظهرت مؤخرا جدلاً بين النشطاء بعضهم طالب بالقبض على مغتصبيها ومعاقبتهم، وخاصة الشاب الذي زعمت أنه قام باغتصابها كرها تحت تهديد ، في حين طالب آخرين بمعاقبة الفتاة منة عبدالعزيز ومغتصبيها، ووصفهم بأنهم مجموعة من الشباب المستهتر ، وما زالت القضية مطروحة أمام القضاء
انتشر مقطع فيديو لـ منة عبد العزيز فتاة التيك التوك ظهرت خلاله بوجه متورم وكأنها تعرضت للضرب المبرح، وتتهم شابا يدعى مازن إبراهيم، باغتصابها وضربها وتصويرها بالإكراه، بمساعدة 3 فتيات: "شيماء شاكر، وشقيقتها فاطمة، وفتاة أخرى تدعى رحمة"، بحسب زعم الفتاة.
وقالت منة عبد العزيز في مقطع الفيديو أنها يتيمة، ولا تعرف الصح من الخطأ، وأن مازن وشيماء قاما بتصويرها، ونشرا هذه المقاطع بالاتفاق مع فاطمة ورحمة، وأنها تعرضت للضرب بكل أجزاء جسدها، وأنها صورت بأوضاع سيئة، بعد أن قام مغتصبوها بحلق شعرها...وطالبت الحكومة بأن تأخذ بحقها من مغتصبيها.
6متهمون في القضية
المتهمون في القضية هم "محمد حمدي وشهرته “كلاشنكوف”، وشيماء شاكر وشقيقتها فاطمة، ومازن إبراهيم الطاهر وشهرته “المميز”، وبسام رضا وشهرته بيشوي، وفني بفندق زوسر، يُدعى “سراج فاروق”.
التهم الموجهة
جاءت التهم للمتهمين الخطف بالتحايل والإكراه، ومواقعتها كرهًا عنها، وهتك عرضها بالقوة والتهديد، وسرقتها بالإكراه، وانتهاك حرمة حياتها الخاصة عبر الإنترنت عن طريق بث فيديو لها “عارية” بعد التعدي عليها جنسيا، وضربها، وإتلاف هاتفها، وتهديدها بإفشاء أمور تخدش شرفها، وتعاطي المخدرات، وإدارة وتهيئة مكان لذلك، عبارة عن غرفة بفندق زوسر بشارع الهرم بمحافظة الجيزة .
حكاية "مازن و منة"
قال مازن إبراهيم الطاهر محمد، 23 سنة، طالب بمعهد نيو كايرو، في اعترافاته التفصيلية، أنا مولود في المنيل وعايش في الهرم، أبويا إبراهيم الطاهر محمد، يعمل في شركة عقارات بالشيخ زايد، وأمي محفظة قرآن، وعندي أخت فى كلية فنون جميلة وأخ في الإعدادي”.
واضاف في تحقيقات النيابة: “أنا أعرف منة عبد العزيز من حوالي 4 أشهر قابلتها في عيد ميلاد، في كافيه فى المهندسين، وكنا بنشرب حشيش مع بعض، روحت شقة صاحبي في الهرم، وعاشرتها جنسيا، واكتشفت ساعتها أنها مش بنت، واستمرت العلاقة بينا وعاشرتها حوالي 6 مرات لمدة شهر تقريبًا في شقق كنت بأجرها في المهندسين وجامعة الدول والزمالك".
انتقل المتهم إلى الحديث عن واقعة فيديو الاعتداء الجنسي على منة عبد العزيز، قائلًا: "مرة بسام وكلاشنكوف كلموني يفطروا عندي، في رمضان اتصلت بمنة، عشان نتقابل ونبات فى فندق بالهرم، قالتلي معايا 3 بنات تاني وهن "شيماء شاكر وأختها فاطمة ورحمة"، قلتلها هاتيهم وتعالي، وتقابلنا وروحنا الفندق، وقابلنا هناك سراج فاروق وكان حاجز لينا أوضتين وسويت، وبعدها نزلنا أنا وبيشوي، جبنا شريط بريجدين 400، ونص سنتي حشيش من ديلر، وكرتونة بيبسي كانز، و7 علب سجاير LM أحمر، وبيشوي اشترى موس عشان يقطع بيه الحشيش، ورجعنا الفندق، وفجأة كله قال ننزل البيسين، وبعدين طلعنا الأوضة تاني، وفجأة شيماء قالت إنها مش لاقية الموبايل بتاعها، واتهمت منة وضربوا بعض، وأنا أخدت منها تليفونها وفتشت شنطتها وأخدت منها 125 جنيه، وقلتلها هدي تليفونك لشيماء، لغاية ما تجيبي التليفون اللي أنتي سارقاه”.
أضاف: "منة دخلت السويت وقفلت على نفسها، وبيشوي عرف يدخل عندها، وبعدها سمعنا منة بتقول (متعورنيش يا بيشوي.. أنا هقلع لوحدي، وبصينا من البلكونة لقيناه مع منة، وكلاشنكوف عرف يدخل وكلنا وراه، وشوفنا منة عريانة، وهي بتلبس البنطلون، وشيماء شاكر كانت بتصور، وساعتها بيشوى ضرب منة على وشها".
وتابع: "أمتلك حسابات على فيس بوك وإنستجرام وتيك توك ونشرت الفيديوهات على مواقع التواصل الاجتماعي، عشان أتعرف على بنات وأتشهر، ووالدي يعطيني 250 جنيه كمصروف يومي".
فيديو اغتصاب منة عبد العزيز
“عملت فيديو 15 دقيقة، وقلت إني معملتش كده، ورفعت صور قديمة لينا على الفيس بوك، وبعدها بيوم، عمي أحمد الطاهر كلم كلاشنكوف، وجاب منة عشان نحل الموضوع، وراحوا عند عمي، وجابلها IPHONE 11، وطلعت هي في 4 فيديوهات تقول مازن أخويا الكبير ومعملش حاجة”
وتابع: "مخطفتش حد وهي اللي جت بمزاجها، وبيشوي هو اللي واقعها بالإكراه".
الصورة دي كانت في كافيه في الزمالك، وهي كانت قاعدة على حجري من باب الصداقة وبس.
حكاية "كلاشنكوف ومنة"
اسمي محمد حمدي أحمد محمد وشهرتي "كلاشنكوف"، بقدم فيديوهات راقصة على نغمات أغان شعبية على موقع التيك تيوك، عمري 16 سنة، طالب بالصف الأول الثانوى، كنت بعمل فيديوهات كوميدية مع واحد صاحبى اسمه عبدالرحمن وشهرته دودو، وكنا بنطلع بشكل توأم «توينز» وبنبلس زى بعض والفيديوهات بتاعتنا ابتدت تجيب مشاهدات كويسة تقريباً وصلت فوق النص مليون مشاهدة.
وتابع: "ابتديت أعمل فيديوهات مع بنات على الانستجرام والميوزكلى اللى اتحول وبقى اسمه تيك - توك وساعتها قابلت منة عبدالعزيز ، وهى كانت بتبعتلى على صفحتى أنا وعبدالرحمن دودو وطلبت تقابلنا وفعلاً قابلتها مرة، وهى بقت صحبة عبدالرحمن أكتر وأنا مركزتش معاها".
وفى شهر 1 السنة دى 2020 قابلت بالصدفة منة عبدالعزيز فى مول الحرية فى الكربة مصر الجديدة، وقعدنا مع بعض ومن الوقت ده بقينا صحاب، ولما لقيتها بتحب تعمل فيديوهات وكانت بتصور نفسها كتير اتفقنا نجرب نعمل فيديو مع بعض ولقيناه مقبول وكويس وجاب مشاهدات كويسة، ومن حوالى 3 شهور تقريباً لقيت منة بتقولى تعالى علشان واحد اسمه جودة فون عامل حفلة عيد ميلاده وعزمها وعزمنى معاها، وقضينا اليوم وبعد ما خلصنا لقيتها رايحة نايت كلوب اسمه «تيركواز» وأنا قلتلها مش هينفع اروح علشان معيش بطاقة.
واستطرد، عرفت بعد كده انها راحت هناك مع واحد اسمه "مازن إبراهيم"، وبقينا صحاب أنا ومازن ولقيته واد لذيذ ودمه خفيف وابن ناس.
وتابع كلاشنكوف كلامه : "بقيت بقابل مازن من وقت للتانى وهو حكالى ساعتها إنه بينام مع منة عبدالعزيز وإنهم مقضينها وإن منة بتبات عنده كتير وانه كمان بيصرف عليها بس مش بيديها فلوس يعنى علشان ينام معاها، وطبيعى اى شاب معاه واحدة اكيد هو اللى هيصرف عليها، وأنا ساعتها ماتكلمتش لأن كل واحد حر فى نفسه بس منة شكلها وطريقة لبسها تخلى الناس تقول عليها إنها مش كويسة، بس هى فى الحقيقة غلبانة وعبيطة جداً وعلى نياتها، وأنا طلعت فى فيديو بعدها مع مازن ومنة عبدالعزيز ونزلناه على التيك - توك".
حكاية "بيشوي" ومنة"
أما عن ما حدث خلال الليلة المشؤومة قال: "روحت يوم اقضيه مع مازن لقيت عنده صاحبه بيشوى، بس مليش تعامل معاه أوى علشان هو تصرفاته غريبة ومش مفهوم كده، جبنا " منة عبدالعزيز وصحابها شيماء شاكر وفاطمة شاكر وواحدة اسمها رحمة"، وعدينا وروحنا فندق في سويت محجوز، نمت وصحيت علي خناقة وبيتكلموا عن سرقة موبايل حاولت أحوش بينهم ومازن كان هيضربنى وبعدين قالى متزعلش بس اطلع برة الحوار ده وساعتها لقيت" بيشوى" جى زى المجنون وماسك موس فى ايده وبيقولى هعورها وقصده على" منة عبدالعزيز" وهي خافت جداً وقفشت فى هدومى جامد وبيشوي دخلها من البلكونة وشيماء شاكر صورت الفيديو ونزلته وكان مازن بيشتم منة عبدالعزيز ، والليلة اتفركشت وبيشوى ومازن مشيوا على طول من غير ما يقولوا، ونزلت منة وشيماء قدام الفندق واتخانقوا ومنة كانت رايحة القسم وأنا بعد كده رحت معاها على قسم العمرانية بس مدخلتش معاها وبعدها بشوية مشيت، وعرفت بعد كده أن الفيديوهات نزلت على النت والمفروض أن اللى نزلها هى شيماء شاكر على الأكونت بتاعها على الفيس بوك، بس أنا مشفتش بعينى فى الأول لأن موبايلى مسروق من قبل الحوار ده بحوالى أسبوع أو أكتر وفى ناس وريتنى سكرين شوت للفيديو بتاع منة عبدالعزيز وهى قالعة لما كانت فى الأوضة وكان متشير من على أكونت شيماء شاكر".
إعترافات بيشوي
المتهم بسام رضا صابر حنا، وشهرته "بيشوي"25عاما بائع خمور ، وهو الذي أقرّ بأن جميع المتهمين واقع المجني عليها منة عبد العزيز، كرها عنها وتحت تهديد السلاح، داخل جناح بفندق زوسر بالهرم.
وأكمل في إعترافاته بأنه دخل الغرفة وهدد المجني عليها "منة عبد العزيز" بخلع ملابسها، فانصاعت لتهديده، فواقعها، ولم يثنيه عن فعلته سوى دخول المتهم محمد كلاشنكوف للغرفة، من النافذة ذاتها، وفتح الباب لباقي المتهمين، وصورت المتهمة شيماء شاكر المجني عليها أثناء شروعها في ارتداء ملابسها، وتعدى عليها المتهم "مازن الطاهر" بالضرب وسرق هاتفها المحمول.
وتابع في إدلائه بإفادته: "اتعرفت على مازن إبراهيم الطاهر، ومن شهر كده مازن عرفني على محمد كلاشنكوف، وكان بييجي معاه "منة عبد العزيز"، وعرفت من مازن أنه مرافق منة، ويعاشرها وأنها مش بنت، ويوم 20 مايو الماضي، لقيت مازن بيقولي في 4 بنات هيسهروا معانا، وهم منة عبد العزيز وشيماء شاكر وأختها فاطمة وواحدة رابعة اسمها رحمة، وقابلناهم وروحنا بيهم على فندق زوسر، وهناك قابلنا فرد الأمن "سراج" واديناله 2500 جنيه، مقابل أننا نقضي يوم في أوضتين وجناح في الدور السابع، بعد كده أنا سبتهم وروحت أجيب حشيش".
تريند النت
الموضوع بقى تريند على النت كله وساعتها أبومازن قابل منة عبدالعزيز ورضاها وجبلها موبايل بدل اللى اتسرق، وأبومازن طلب منى أنى أطلع فى فيديو مع منة عبدالعزيز وصحاب مازن علشان نقول أن الموضوع خلص، وأن منة متصالحة ومفيش مشكلة حصلت وعملنا ده وبعد كده لقيت المباحث جت تقبض عليا.
النيابة العامة
أمر المستشار حمادة الصاوي النائب العام باستبدال الحبس الاحتياطي للمتهمة آية -وشهرتها «منة عبد العزيز» - بأحد التدابير المنصوص عليها بالمادة ٢٠١ من قانون الإجراءات الجنائية كبديلٍ عن الحبس الاحتياطي؛ وهو إلزامها بعدم مبارحة أحد مراكز الاستضافة المحددة بمشروع «وزارة التضامن الاجتماعي» لـ«استضافة وحماية المرأة المُعَنَّفة نفسيًّا واجتماعيًّا واقتصاديًّا»، والذي قبلته المتهمة موطنًا ومسكنًا لها لعدم وجود محل إقامة ثابت ومعلوم لديها.
وكانت أمرت «النيابة العامة» بإدخال المتهمة بالبرامج التأهيلية المذكورة خلال إقامتها بالمركز الذي قبلته مسكنًا لها تحت إشراف «وزارة التضامن الاجتماعي» و«المجلس القومي للمرأة»؛ لتأهيلها نفسيًّا واجتماعيًّا واقتصاديًّا لإصلاحها وإعادة الثقة في نفسها وتصحيح مفاهيمها والتوفيق بينها وبين ذويها، وإعادة دمجها بالمجتمع، واستكمال دراستها أو تدريبها على مهارات تتيح لها فرصة عمل سوية، أو مصدر حسن لإعاشتها.
واحتل اسم منة عبد العزيز تريند مصر في محرك البحث الشهير "جوجل"، لم يكن اسم منة عبدالعزيز تيك توك والتي تبلغ من العمر 17 عامًا مطروحًا قبل انتشار عدد من الفيديوهات للفتاة، مدعية أنها تعرضت للاغتصاب من قبل شاب يدعى مازن إبراهيم و3 فتيات الأولى تدعى شيماء شاكر وشقيقتها وتدعى فاطمة والثالثة تدعى رحمة .
