أحمد عمر "ضحية التنمر في اختبارات القدرات": تلقيت منحا دراسية وحلمي دخول طب أسنان
![الطالب احمد عمر ضحية](images/no.jpg)
التقى اللواء جمال نور الدين محافظ كفرالشيخ، اليوم السبت، بالطالب "أحمد عمر" ضحية التنمر بجامعة كفرالشيخ، لمناقشته حول ما دار معه خلال اختبارات القدرات بكلية التربية الرياضية بجامعة كفر الشيخ.
وقال الطالب " أحمد عمر" أن المحافظ تعامل معي بشكل ابوي حيث كانت أول كلمه له معي: " انا بكلمك دلوقتي كأب وبشكل ودي وأريدك ان تثق بالله ومتأكد انك هتنجح وهتكون نموذج نفتخر فيه" ، متابعا: كلمات المحافظ كانت بالنسبة لي مبعث للطمأنينة وكنت اتمني ان يتعامل معي بنفس الطريقة الدكتور الذي اختبرني خلال اختبارات القدرات.
وتابع الطالب احمد عمر، لـ" فيتو " انه تلقي العديد من المنح الدراسية لكليات مختلفة لكنه حتي الآن لم يتخذ قرارا، وحلمه ان يتلقي منحة بأحدى كليات طب الأسنان الخاصة.
وكان أحمد عمر من أبناء محافظة كفر الشيخ، كتب على صفحة الشخصية بموقع التواصل الاجتماعي "فيس بوك" عن تعرضه للتنمر خلال تقديمه لاختبارات القدرات بكلية التربية الرياضية بجامعة كفر الشيخ.
وكتب في المنشور: "موقف حصلي النهاردة وأنا بقدم كلية تربية رياضية، رحت الساعة 9 الكلية عشان أقدم الورق وادخل الاختبارات وقعدت أنزل واطلع من الساعة 9 للساعة 1 وبعد كده قعدت ساعة على ما دخلوني ودفعت 450 جنيها الأول غير الورق اللي صورته وبعد كده دخلت وقلعت ما عدا الملابس الداخلية وبعد كده قست الطول والوزن وطلع مناسب جدا وبعد كده رحت للدكتور التاني عشان الاختبار، انزل عشرة ضغط، أقف على مشط رجلك ونط، أقعد وأقف وانت مربع من غير ما تسند وبعد كده قالوا لنا ننزل الكمامة وبعدها لقيت نظراته ليا اتغيرت وقعد مركز معايا شوية ومركز فى شفتي أوي، بعدها ندهلي قالي اسمك إيه قلت له كذا كذا يا دكتور قالي إيه اللي في شفتك ده، قلت له عملية حضرتك وبعد خمس شهور بالكتير هعمل عملية تانية وشفتي هترجع طبيعية وهشيل التقويم وهبقى زي الفل".
اقرا ايضا:
ضحية التنمر بجامعة كفر الشيخ يرفض كشف هوية الدكتور المتنمر عليه
وأضاف الشاب في رسالته المتداولة: "فقال لي طب ارجع تاني، وقفت مع زمايلي فلقيته قال لهم روحوا انتو للخطوات اللي بعد كده وقال لي أقف انت عاوزك، طبعا أنا استغربت، اللي هو في إيه، وبعدين إيه البصات اللي بيبصها لي دي فبعد ما ذنبني شوية قال لي تعالى، فروحت قال لي روح البس هدومك وروح، قلت له ليه يا دكتور ده أنا حتى لسه ما دخلتش اختبار الجري ولا حتى الخطوات اللي بعد كده، قال لي انت شكلك مينفعش، قال لي: عشان مصلحتك بس، قلت له الكلية كلها حركة وجري وسباحة ولو فيه بوكس وملاكمة فأنا بقول لحضرتك أنا بعد خمس شهور كل ده هيبقى زي الفل، قال لي انت كشكل أصلا ما ينفعش يا بني، وبعد كده قال لي يالا اتفضل روح البس وروح، طب أقسم بالله أنا كان معايا واحد ما يقلش عن 120 كيلو واتقبل عادي".
وتابع: "نزلت سألتهم وقلت لهم عاوز الـ450 بتوعي عشان أمشي لأني لسه حتى ما دخلتش الاختبارات ولا عملت أي حاجة، يعني دفعتهم عالفاضي ألاقي الأمن يقولي: بح يا باشا كان فيه وخلص، ما ينفعش تاخدهم تاني، طلعت لحد مهم فوق فى مكتبه قال لي طالما كتبت اسمك عالظرف يبقى متعرفش تاخدهم، قلت له تمام بس أنا أصلا ما دخلتش الاختبارات، يعني لو دخلت أوك إنما أنا ما دخلتش، إن جيت للحق معاملته كانت في منتهى الاحترام بس على كلامه أنه ما يقدرش يعمل شيء، نزلت وأنا مش مسامح فى الفلوس طبعا".
واختتم حديثه قائلًا: "اللي موتني إن أنا ليه ما تقبلتش.. علشان شكلي مش لايق عالكلية، على كلام اللي كان فوق فى الكشف الطبي، يعني أنا قبيح، أنا وأنا طفل يا ما خدت تريقة واتعنصرت عنصرة هدت آمالي وطموحاتي في حاجة أنا ما ليش ذنب فيها، والله مش أنا اللي خلقتني عشان أكون وحش فى نظركم