إنجازات الرئيس الحقيقية مع الحكومة المفترية

مش لاقي مكاني في الأتوبيس وغلو المواد التموينية وخطف جنود وموت كمان في الاتحادية ومهندسين شاغلين أكتر من الأول بشهاداتهم فواعلية واحد دكتور بواب عمارة.. زيادة عدد الحرامية مع مرتبات مجزية إعلان للحكومة مع الأهمية، (تخفيض مستوى الاستهلاك وزيادة الفاتورة مع الهلاك إمضاء الحكومة المفترية.

مع إنجازات الرئيس بالتأكيد العيشة في بلدي هتزيد.. البنزين اللتر ب10 جنيه مش عاجبك متخدش يابيه.. وغرام أكتر للسولار.. واحترام أكتر للدولار.. كل دي إنجازات الرئيس في أكتر من كده إيه.. هيقطعوا علينا المية.. يا سعادة البيه هيلغو كمان السد العالي ويبنو بدالو سد إثيوبيا والعيشة في بلدي هتبقى لوبيا إنجازات الرئيس.

تخفيض عدد اللي عايشين على الأراضي المصرية مش فارقة كل يوم يموت 30 ضحية.. فاكر ياريس إنجازاتك.. قطر أسيوط فاكر الـ50 طفل.. فاكرهم ياريس.. يلعن أبو السكوت.. وسكتنا ليه.. فاكر الـ16 اللي ماتو على الحدود.. دا برضو من إنجازاتك ما إنت خرجت سفاحين من السجون.. مش دول أهلك وعشيرتك.. الله يكحم الخونة واللي بيتكلمو بالوطنية وهما في الأصل شوية حرامية.. ده من إنجازاتك ياريس.. سحل حمادة صبري في الاتحادية كان من عدم احترام الأقدمية، الدولار ب8 جنيه ومش لاقيينو.. كبشة فول ب10 جنيه والعدس مش موجود إنجازاتك ياريس ملهاش حدود.

(ملحوظه ياريس الشعب بيقولك حسبي الله ونعم الوكيل)

إنجازات الحكومة الحالية رفع مستوى المعيشة +رفع ضغط الدم الارتقاء بالعملة المحلية +زيادة الدولار 100% الحفاظ على الأعراض +خطف الجنود من على الحدود الحفاظ على مؤسسات الدولة +حفر انفاق بين مصر وحماس مع دعم الرئيس مع كامل الاعتزاز.

يارب أشوفك ياغزة مولعة نار.. اخطفوا الرئيس زي ماخطفتو عربيتو في الشرقية.. مش عارف يحافظ على عربيتو هيحافظ عليا.. دي بلوة جبتها لنفسي ودي أصل القضية.. كلامي ياريس مش قاصدي إهانتك.. قلبت مصر كلها جمعية وعملت مننا فرجة للعالم كله.. وقليت مني كمواطن عايش على أرض حضارة.. خليتني قدام العالم رئيس بلدي محصلش كمسري ماسك سفارة.