خالد سالم يكتب: حوار الثورتين

حوار للثورتين
 لإنقاذ المصريين
حررتوا بلادي من الظالمين
اثنين وخمسين لثلاثين يونيو متفقين
 زرعتوا الحرية في الوادي
 رجعتوا الحق لبلادي
 والبسمة لأولادي
 رسمتوا للتاريخ نور وعبرة
 والأمل بسمة
لشعبنا بكرة
اثنين وخمسين ثورة
ضد الاستعمار والإقطاع والاحتكار
ثار جيش الثوار
انتفض والشعب اختار
طرد الاستعمار
وحل الاحتكار
والذل والانكسار
ضباط ولادنا الأحرار
مخلصين لبلدهم ثوار
ما في نقطة دم بيضا
كما قلب الأم
للعروبة لمة الشمل
وزعيمها اسمه جمال
شال للاهوال أحمال
ما تشيلها أي جبال
تمر أيام وسنين
وكلام صعب يتقال
 محتاجة بلدنا تغني الموال
وبعد سنين عذاب
 وظلم واغتراب
قتل ودم وإرهاب
حكمونا ناس أغراب
كانت فوضى وسنين عذاب
ينده ابنك بضمير المصريين
في ثورة يونيو ثلاثين
اسمي عبد الفتاح
 قائد ماهر وطبيب جراح
 شق ليل الجهل بالنور
كان حازم وطني
بقلب جسور
كانت المهلة معاد محدود
قال كفاية للصبر حدود
 فين تفويضكم؟
 إيدي في إيدكم
شعب مصر فوق الراس
 واحنا عليه دائما حراس
 مصريين موحدين بالله
شعارنا وطنَّا بإخلاص نفديه
بالروح ما نقول الآه
ثورة لدعم الاستقرار
ضد جماعة حديد ونار
خاطفة الشعب في عز نهار
وباعت ارضه بكام مليار
ابنك قال هارسم هلال
 بنور الفجر
 أمحي سنين القهر
 أعبر كل الصعب
واخليه سهل
كشف بفن حقول الطاقة
فك الازمة بمهارة وشياكة
بهر العالم بعقل ولباقة
وجهز جيشك بقدارت سباقة
 ابنى واعمر افرشك نور
عطر زهور
أحضن سينا بالأنفاق
عمرها للوطن مشتاق
 أمحي عششك ابني بيوت تغني طرق فوقها كباري
والعالم شايف داري
 قال نبنيها وانتو معايا
قال الشعب احنا وراك
وجيشنا معانا
عمره ما خان
شريف القصد
معلى البنيان
 هات الإيد
تضم الإيد
عهدنا عهد جديد
 زعيم وشعب
وجيش مصر
قالت غيركو مليش
هتفوا نموت فداكي
 احنا وبلدنا غيرها مفيش
 لو كلناها بدقة وعيش
مصر قالت
تحت رايتي الدنيا والناس تعيش