أبين زين يضرب الودع ويكشف المستور للمصريين
أبين زين.. واقول
على المستخبي واللي مش معروف.. وأضرب في ودعي وتمللي بادعي.. والمستخبي باقوله ع المكشوف
فيه ناس بتجمع
في أصواتها وعايزة تعيش.. علشان على الكرسي يجدوا في يوم لمصررئيس.. ونفسهم يسمعوا
صوت للغلابة حبيس.. ويعلنوا إنك أنت لكل مصري أنيس..بتحب شعبك ومصر جديرة بالتأسيس..
والحب والعدل بين الكل وأنت حريص.. على وحدة الصف بين أحمد ونور وموريس..
وترفض الشعب يبقي تحت سلطة حبيس.. والجيش بقي حصن مصر ويرفض التفليس.. والشعب أصبح مع الشرطة لمصر بوليس.. واقف مع الجيش في وحدة ويرفض التدليس.. ويبقي بين جيش وشرطة وشعب كل حديث.. فمصر جمعت ما بين الشيخ وبين قسيس.... فقلت إيه ؟ قول لنا كيف نفتح الترابيس.. لأن فيه ناس كتير في فكرهم محابيس..
عايشين في وهْم وأماني كلها قصاقيص.. وأقول لك إيه واللا إيه في كافة التضاريس.. والكل واقف وخايف من شرور إبليس.. أو أي فرصة لحاقد ضد مصر خسيس.. وربنا في السما حامي الجميع ومغيث.. ومصر بتقول لودعي بُكرة جاي لي عريس.. يقدر يصون عزتي من كل شر خبيث.. والشعب في الانتظار وكلمته تقديس.. فقل لنا رأيك إيه.. قبل ما تبقي رئيس.
