الحجر المنزل يغير سلوكيات الفنانين.. شيرين عبد الوهاب تتقرب إلى الله.. أحمد حلمي طباخ ماهر.. ورامي إمام يتعلم الصبر
تأثرت سلوكيات الفنانين بالإجراءات التي اتخذتها الحكومة المصرية لتحجيم انتشار فيروس كورونا وفرض حظر تجوال جزئي على المواطنين والبقاء في المنزل.
شيرين عبدالوهاب
وقالت الفنانة شيرين عبدالوهاب إن أزمة كورونا كان لها الفضل في تقربها إلى الله.
ونشرت الفنانة عدة تغريدات متتالية عبر حسابها الرسمي على "تويتر" قالت فيهم: "أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا ، أنا ما بحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت الحاجة الحلوة اللي فيهم ابتدت تطلع وأولهم أنا".
وفي التغريدة الثانية، قالت: "ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهاردة، بس الواحد لما بيقف قدام ربنا ويركز في الكلام اللي بنقوله زي ما بنقول في الفاتحة "الرحمن الرحيم" هو فعلاً رحمن وحنين وأحلى حاجة في الدنيا".
وتابعت شيرين في التغريدة الثالثة: "زمان كنت بقول الآيات وأنا مش بركز فيها دلوقتي ، وأنا بركز في الآيات لآخرها بحس إن ربنا بيشفيني وبيداوي كل حاجة حاسة بيها ، أنا بقول ده ومش خايفة من التعليقات اللي هتيجي".
واختتمت في تغريدتها الرابعة: "أنا نفسي كله يحس الإحساس اللي كنت حاساه وأنا بصلي صلاة المغرب والسُّنة ، متعة تانية أحلى من أي سفرية أو أي سهرة ، ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده ".
أصالة
وكانت لفترة الحجر الصحي تأثير على شخصية أصالة وتغيير سلوكياتها اليومية بالاهتمام بممارسة الرياضة والالتزام في الصلاة، وقالت:” القعدة في البيت رتبت لي حالي”.
وقالت أصالة فى فيديو لها عبر خاصية "ستورى" بحسابها على "إنستجرام" إنها كانت فى البداية غير قلقة بشأن أزمة كورونا وكانت تعتبر أنها دور برد والناس بتضخم الأمور لكن فيما بعد اكتشفت مدى خطورته وقررت التعامل معه بشكل آخر.
رامي إمام
فيما كشف المخرج رامي إمام أن جلوسه في المنزل علمه القدرة على الصبر والتحمل ، وكتب رامى إمام على فيديو قائلا: "خلينا نعترف يا جماعة كلنا دلوقتى أن القعدة فى البيت خلتنا نعرف قدرتنا الحقيقية على الصبر والتحمل عاملة إزاى وقد ايه اللى واحد شافه فى حياته كوم واللى بيشوفه دلوقتى كوم تانى”.
أحمد حلمي
كما كان للحظر تأثير مختلف على النجم احمد حلمي فقد جعل منه طباخا ماهرا يجيد إعداد وتحضير أنواع مختلفة من الأطعمة والوجبات.
ونشر الفنان فيديو قصيرا من خلال حسابه الشخصي على موقع التواصل الاجتماعى “إنستجرام، قال خلاله "أنا لابس الروب بتاع محسن بيه مدفي..أنا بقيت اعمل كيك شيكولاته وبلف محشي وبشوح كبده، علشان مصلحتكوا خليك في البيت".
هند صبري
كما غيرت أزمة كورونا من شخصية الفنانة هند صبري وكان لها مردود إيجابية على أخلاقياتها.
وكتبت هند صبري قائلة: "هذه الأسابيع والظروف الاستثنائية التي نعيشها غيرتنا للأبد.. عالمنا تغير، أولوياتنا ظهرت وقيمنا تغيرت ، وتعلمنا أن نحترم ضعفنا وقلة حيلتنا أمام فيروس لا يرى بالعين المجردة ، اكتشفنا أن قوتنا في وحدتنا وأننا كلنا متصلون إن شاء الله الجاي أحلى.غدا أحلى".
