خالد سالم يكتب: راحة البال (قصيدة)
لما تسأل السؤال
الإجابة بموال
ومين عاد ؟
ومين قال ؟
مش معركة وقتال
ولا إيه يا ابو الرجال ؟!
كيف الحال والأحوال ؟
يا بتاع الفراولة
زي ماقال متقال
طيب اسأل
ونعيد السؤال
الإجابة نفس المنوال
ربع رومي من البقال
مسلسل وِلد حلال
وتغييب من بعد انفصال
الإجابة على قد السؤال
صاحب السؤال
مشغول البال
واللي عنده الإجابة
يفهم السؤال
ويدرس الأحوال
رحلة للمحال
عند سعاد وابتهال
ويمكن امتثال وآمال
علشان الوزن والأحمال
السعادة في الأموال ؟
وللا الصحة وكتر العيال
في غنوة أو موال
فين إجابة السؤال
استقامة وللا انحلال ؟!
موت وللا اغتيال ؟!
حقيقي وللا انتحال ؟!
واللي سبقنا قال
تلاقيها في راحة البال
