تامر حسني يتعرض لموقف صادم في الشارع بسبب فيروس كورونا
نشر النجم تامر حسني عبر صفحته الشخصية علي موقع فيس بوك موقفا أزعجه حدث فى الشارع لاثنين من الأصدقاء يطلب أحدهما من الآخر خلع القمامة التي يرتديها بسبب انتشار فيروس كورونا.
وكتب تامر "أنا شوفت موقف قدامي صدمني مش قادر محكيهوش ... شوفت واحد بيقول لصاحبه:(ياد شيل الماسك ياد واسترجل ) طب هو عشان في وجهة نظر حضرتك يسترجل فيكون سبب في موته وموتك وضرر كل من حوله".
وأضاف: "معقول كل دول العالم المتطورة مؤمنة بالوقاية دي و إحنا بقى اللي عندنا الفهلوة و المفهومية كلها اللي بيتريقوا على الوقاية دي.. أكيد مسكتلوش و فهمته على قد ما أقدر وفهمته يا سيدي لو حتى أنت من الناس اللي بتقول ده وهم مش هتخسر حاجه لما تاخد كوكب الأرض بالكامل على قد عقله وتحافظ على نفسك الكام يوم دوول بس المشكلة إن في منه كتير بيفكروا زيه".
وتابع: "عشان كده كلنا لازم نتكلم كتير مع كل الناس عشان نوعي أي حد مش حاسس بالخطورة لازم نلتزم ونقعد في البيت ١٤ يوم يا ناس عشان نسيطر على انتشاره وميتحولش لوباء.. الصينيون انتصروا على الوباء لما التزموا ومنزلوش الشوارع نهائي ولو في ناس شغالة بيوميات لازم توصلهم يومياتهم لحد عندهم من باب الرحمةعشان ربنا يرحمنا".
اقرأ أيضا:
بعد قرار "الوزراء".. تامر حسني يعلن تأجيل كل حفلاته في مصر
وقال: "يا جماعة دا إن شاء الله اختبار من ربنا وهننجح فيه لو اتعاملنا معاه صح وبمنتهى الرحمة والتعب وارد يحصل لأي حد فينا وهيخف إن شاء الله زي ما آلاف خفوا وخفوا من امراض أكتر من كده بمليون مرة وده مش أول وباء عالمي يمر علي البشر وغيرنا مر بأكتر منه".
واختتم: "دي فرصة للي مقصر في حق ربنا إنه يقرب منه تاني .. اهو ده جانب ايجابي لازم نشوفه لازم نشوف إن الصعوبات دي بتشيل من علينا كتيرعند ربنا وربنا هيعوضنا خير عنها إن شاء الله و مننساش ندعي ربنا كتير لأنه هو خالق كل الكائنات دي وقادر إنه يوقفها بمشيئته".
