رئيس التحرير
عصام كامل

"بيت وحياة".. شعر لعادل جمال الدين

عادل جمال الدين
عادل جمال الدين

بيت وحياة.. وطفل جميل
نحوه خضرا ومية نيل
نور الشمس بيدخل عنده
مش محتاج وصف وتفصيل
فيه كان ساكن حد بريء
مش محتاج غير قلب جريء

كان بيدور وسط الناس
على نسمة إحساسها رقيق
دي أحلامه ونفسه يعيش
إنه يلاقي بس مفيش
غير أحزان وآهات في حياته
على بابها ساكن خفافيش
كانت مشكلته في بيت وأمان
إنه يحس بحضن حنان
ويدور في قلوب الناس
على معنى اسمه إنسان
إيه بقى جرمه في وسط حياة
تجرح فيه أيوة وتنساه
لما في مرة يحس بشوق
تديله بجزمة على قفاه
الجريدة الرسمية