طريقة الأرز باللبن الكريمي
جرَّبي طريقة عمل الأرز باللبن الكريمي كوجبة مفيدة لطفلك.
المقادير:
- أربعة أكواب أرز
- كوب سكر
- 4 أكواب ميه
- 4 أكواب حليب
- 4 ملاعق لبن بودره
- 6 ملاعق كبيرة كريم شانتيه بودرة
- ملعقتان كبار نشا
- فانيليا
خطوات التحضير
- ذوبي النشا في نص كوباية ماية باردة.
- ذوبي الحليب البودرة في باقي كمية الحليب.
- نضع الميه على الرز ونتركها على النار لحد ما ينفش ويكتر ويستوى وتقريبا هيشرب ميته كلها.
- هاتى كوباية السكر بتاعتك وحطيها على الرز وقلبى هتلاقيها دابت خالص.
- حطى الحليب والفانيليا واللبن البودرة، وقلبي كويس وسيبيه ياخد غلوة، وبعدين ضيفي الكريم شانتيه الباودر أو تكونى مدوباه الأول فى شوية حليب صغيرين.
- سيبيه كله على النار لحد ما يغلى والأرز يتشرب أغلب الحليب ويتخن معاك شوية وتقومى نازلة بالنشا اللى انتى مدوباه شويه بشويه لحد ما يلف معاك وما تخليهوش يتماسك أوى منك فى الحلة.
- اطفى عليه واغرفيه فى اطباق وممكن تغرفى شويه منه فى طاجن وتحطى على وشه قشطه وتدخليه الفرن ربع ساعة تكونى مشغلة الفرن من تحت وبعد كده ولعى الشوايه ياخد لون.
- والاطباق زينيها براحتك مكسرات وزبيب وعلى الثلاجة.. وبصحة وهنا.
