خالد سالم يكتب: دموع الفرح

ارسم طريقك

على الورق

وخطط لمستقبلك

وادرس علوم البشر

وحلى بقى منظرك

وقول انا الهندسة

وكمان للطب مدرسة

أو صنايعي أمين محترم

سمعتك أصل كالهرم

او مزارع للخير سباق

ولحب الله مشتاق

لكن ياصاحبي ماتنساش

اللي نشَّأ منظرك

هو خلقك صورك

واوعى نار الكوى

في العشق والهوى

في يوم صاحبنا

طلب رقم الهوى بشجاعة

وصوتها من السماعة

ما جاش

طلبها تاني وتالت ورابع

مالقاش أي رد

اتشد

واتنرفز

وشوية

واتهد

جرس التليفون رن

بص هي

قلبه فرح

أكيد قلبها ندم

آلو

بقولك تاني مرة.. اوعى تطلبني تاني

أنا عندي في الغرام قصة.. فاهم ؟!

صاحبنا تاه وسط الزحام

وحلف يمين يخاصم الأيام

- [ ] رسم دموع والآلام

أشكي وانوح

بالسر نار مدبوح.. وحاله يقول

- [ ] انا عيني من البكا ماتنام

- [ ] ارحل بعيد بقسوتك

- [ ] بعت ضميرك بغفلتك

- [ ] يارحمة عليه انزلي

- [ ] من بعد حب ارحمي 

عدى شهر واثنين

نسى الألم والأنين

ياعم يامبتلى

بالحزن والآلام

بكرة الرحيم يرزقك

بالحب والأنغام

ودموعك تكون للفرح

مش للغم والأحزان