شوقي غريب يعلق على صوره المثيرة خلال البطولة الأفريقية (فيديو)

وتابع:"قلت للاعبين قبل لقاء ة كوت ديفوار: تقدروا تمتعوا الجمهور وتعملوا حاجة جميلة النهاردة ونختم البطولة بشكل كويس قبل ما أعرفكم التكتيك والشغل هنعرفكم على نواحي القوة والضعف لدى الأفيال، والأمور الفنية"، معقبًا:"قالولي طب نعمل أي حاجة انت موافق عليها، فقلت لهم: أي حاجة في إطار الشرعية والقانون والنظم واللوائح الموجودة، موافق عليها".

وتابع:"قلت للاعبين أي حاجة أنا تحت أمركم ومعنديش مشكلة المهم انكم تنزلوا تقولوا للناس انكم فرقة كورة وتمتعوا الجماهير"، لافتًا إلى أنهم كانوا يرغبون في ارتداء قناع "لاكاسا دي بابل" وفوجئ به قبل المباراة.

شوقي غريب عن ارتداء لاعبي الأوليمبي قناع "لاكاسا": فوجئت بالمنظر

وعن الصورة الشهيرة الخاصة بالمؤتمر الصحفي لمباراة جنوب أفريقيا، علق "غريب":"مدرب جنوب أفريقيا كان مبسوط برش اللاعيبة المياه وهو خسران، وقاللي هي دي الحياة اللى انت سايب فيها اللاعيبة بتوعك علشان كده بيبدعوا في الملعب، واللاعبين جابوا علم اليابان وعايزني أمشي، فقلتلهم لو مشيت من هنا هدفع غرامة".

وعن الصورة الشهيرة لاندفاع مصطفى محمد تجاهه بعد لحظة هدف الفوز، علق: "اللى ميعرفش ملابسات الصورة هيقول مصطفى بيضربني، والحقيقية عايز ينط من الفرحة..فرحته كانت لا توصف بالرغم من تبديله، وهي دي الروح، ولو الصورة كملت في الفيديو سيرى الجميع عناقا حارًا بيننا".

وعن صورته مع رمضان صبحي، أكد أنه لم تكن تحمل مشاجرة أو خلافًا على الإطلاق، معقبًا: "هو فيه ابن بيتخانق مع والده، في النهاية ابن يزعل ولكن عارف أنا إحنا كلنا اتربينا على الاحترام".